Probirbio 10:4 - Maung a Balita Biblia

⁴ Say ngiras pagmaliwen to kan mairap, balet say koli pagmaliwen to kan mayaman.

Maung A Balita Biblia

⁴ Say ngiras pagmaliwen to kan mairap, balet say koli pagmaliwen to kan mayaman.

Probirbio 10:4 Referans Kwoze

Probirbio 21:5

Apiger moy mamplano, et nawalaan ka na daakan; no magangganat kan manggawa, et kakulangan so nagonggonam.

Probirbio 20:4

Say mangiras a dumaralus ya ag mambaka no panaon na panagtanem anggapoy anien to no panaoy panagani.

Probirbio 19:15

Sigi labat, manggiras ka; ogip ka labat, balet naerasan ka.

Probirbio 13:4

Say toon mangiras ag to nagamuray pampipilalekan to, balet say makoli nagamuran toy amin a labay to.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Probirbio 20:13

No manogip ka lan manogip magmaliw kan mairap-bilay; mankoli ka et dakerakel so naakan mo.

Probirbio 19:24

Wala ray totoo a diad gaway ngiras da, ag da nisubo so kanen da.

Probirbio 12:24

Say toon makoli nawalaan na pakayari; say toon mangiras magmaliw ya aripen.

Probirbio 11:24

Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Ecclesiastes 10:18

No say sakey a too et mangiras a mangipiger na atep na abung to, onterter insan nageba.

Probirbio 10:5

Makalakal so toon manggapas no panaon na panagani; balet makapabaing so toon manogip no panaon na panagani.

Probirbio 12:27

Say mangiras a too ag to nagamuray gegemtan to, balet say toon makoli makagamur na kayamanan iran ankabli.

Probirbio 18:9

Say toon mangiras kapinsay toon managderal.

Genesis 26:32

Diad saman ya agew, pinmawil iray aripen nen Isaac tan imbalita rad sikato may bobun a kinotkot da. Inkuanda, Akalmo kamiy danum.