Probirbio 10:13 - Maung a Balita Biblia

¹³ Makabaliksan iray salitaen na toon makabat, balet nepeg a nadusa iray makulang-kulang.

Maung A Balita Biblia

¹³ Makabaliksan iray salitaen na toon makabat, balet nepeg a nadusa iray makulang-kulang.

Probirbio 10:13 Referans Kwoze

Probirbio 26:3

Nepeg mon leweten so kabayo, nepeg mon balungosan so asno, tan nepeg mon leweten so toon makulang-kulang.

Probirbio 6:32

Balet anggapoy kalakal so lakin mikakaloguran. Dederalen to labat so sikaton dili.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Probirbio 27:22

Anggan pekpeken mo lan pekpeken ya anggad patey-pateyan so toon makulang-kulang, siansian ag mo naekal ed sikatoy kalokowan to.

Probirbio 20:15

No amtam so sasalitaen mo, walaan ka na bengatlan mabli ni nen say balituk o alahas.

Probirbio 19:29

Andi-saew a nabakbak iray mapaatagey a makulang-kulang.

Probirbio 17:10

Say toon walay pakatalus, dakel niy naaral to ed sakey a pasnuk nen say naaral na toon makulang-kulang ed sanlasus a lewet.

Probirbio 15:23

Agaylay gayaga na pakalmo na dugan salita para dugan okasyon!

Probirbio 15:7

Say pakaamta ikakayat na saray totoon makabat, aliwan saray makulang-kulang.

Probirbio 10:31

Kakabatan so sasalitaen da ray totoon matonung, balet napatondan mansalita iray dilan maoges so sasalitaen da.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Saray Salmo 32:9

Ag yo aaligen so anggapoy kalakal a kabayo o mulo, a pakalatan tan rindaan pian napatoluk.

Lucas 4:22

Indayew na amin a totoo, tan mankelaw irad saray mararakep a salita to. Aliwa tan sikato ya may anak nen Jose? tepet da.

Probirbio 7:22

Ag abayag akilad sikato imay laki a singa bakan tetengtengen ed panagpateyan, singa ulsan dawit-dawit lan naerel ed patit,

Exodo 10:12

Insan say Katawan kuantod kinen Moises, Itorom ed intiron dalin na Egipto so limam, pian onla rad man iray dorun. Onsabi ra tan kanen day amin a tanaman ya ag aderal na oran a kristal.

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.