Probirbio 1:32 - Maung a Balita Biblia

³² Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Maung A Balita Biblia

³² Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Probirbio 1:32 Referans Kwoze

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilaymansiansia ingey pasnuk na Dios ed sikato.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.

Saray Hebreo 12:8

No ag kayo nadusa, a singa kadudusa da ray amin ya anak to, aliwa kayon tuan anak no ag ta anak ed paway.

Saray Salmo 69:22

Saray ponsia ran baleg komuy pakaderalan da; saray masanton pista ra komun so pakataloan da!

Santiago 5:5

Nanlikeliket tan nanggaygayaga kayo diad tapew na dalin. Pinataba yo ray laman yon singa ra ayayep a pateyen ed niganan agew.

Probirbio 1:22

Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Probirbio 8:5

Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Isaias 66:4

Kanyan iyakar kod sikaray deralsaray bengatlan tatakotan dalapud anggapod sikaray inmebat nen tinmawag ak, odino dinmengel nen nansalita ak. Nilabay day ag mangonur ed siak tan say manggaway kaogsan.

Deuteronomio 28:17

Say Katawan isamba to ray trigo yo tan saray kakanen a ginawad trigo.

Probirbio 2:18

No onla kad abung to, patey so arapen mo. Manasingger kad sangab na lobuk no onla kad man.

Probirbio 9:18

Ag amta na saray napapalikdo to ya ompatey iray totoon oonlad abung to, tan saray totoon linmoob la et wala la rad dalem na pasen a panaayaman da ray inaatey.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapansikayon totoon matalona ed sayan bansan Israel a dadagoen a kerewan na tulong na saray arum a totoo!