Oseas 9:11 - Maung a Balita Biblia

¹¹ Say inkatalonggaring na Israel et ontikyab a singa sakey a manok, tan anggapo lad sikaray ogaw a nianak, anggapo lad sikaray manlokun, tan anggapo lad sikaray ninginew ya ogaw.

Maung A Balita Biblia

¹¹ Say inkatalonggaring na Israel et ontikyab a singa sakey a manok, tan anggapo lad sikaray ogaw a nianak, anggapo lad sikaray manlokun, tan anggapo lad sikaray ninginew ya ogaw.

Oseas 9:11 Referans Kwoze

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 9:14

Antoy kerewen kod sikan gawaen mod sarayan totoo? Pagmaliw mo pan lepes iray kaasawaan da! Pagmaliw mo pa ran ag makapanpasusod saray anak da.

Oseas 4:7

No panoy idadakel yon papari, ontan met so idadakel na kasalanan yo, kanyan pagmaliwen kon kababaingan so kagalangan yo.

Deuteronomio 28:18

Say Katawan isamba to kayo diad pangiter tod sikayo na daiset ya anak, makapoy a bunga na saray tanaman, tan daiset a baka tan karniro.

Lucas 23:29

Ta onsabi la ray agew ya ikuanda ray totoo, Mapalar iray bibiin lepes, saray ag mananak, tan saray ag nampasuso!

Amos 1:13

Say Katawan kuanto, Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Ecclesiastes 6:3

Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.

Saray Salmo 58:8

Magmaliw ira komun a singa bisokul a mansumpal ed pitek; magmaliw ira komun a singa ogaw ya inatey nen nianak tan ag ton balut anengneng so liwawa.

Say Libro nen Job 18:5

Naerep so silew na maoges a too; ag lan balut ondalang so apoy to.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.

Genesis 49:22

Si Jose et singa sakey ya asnod katakelan a walad gilig na sobul, Sakey a kilaw na kabayo a walad alusadsar na palandey.

Genesis 41:52

Inkuanto met, Say Dios initdan to ak na anak ed sayan dalin a paniirapan ko; kanyan inngaran to na Efraim imay kumadwan anak to.

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.

Oseas 5:9

Onsasabi lay agew na pakadusa yo, tan naderal so Israel. Totood Israel, andi-saew a nagawa yay imbagak!

2 Samuel 6:23

Ag balut akaanak si Micol a biin anak nen Saul.