Nahum 2:2 - Maung a Balita Biblia

² Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)

Maung A Balita Biblia

² Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)

Nahum 2:2 Referans Kwoze

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Isaias 60:15

Ag ka la nikaindan tan nabosul, Sakey a siudad ya ataynan tan apaolyan. Pagmaliwen ta kan matalonggaring tan marakep, Sakey a pasen a kawalaay gayaga a mansiansia.

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Jeremias 49:9

No manalay ubas iray managborbor, wala ray itilak dan bunga ed saray wakal; no onsabid labi iray matakew, mangala ra labat na labalabay da.

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Saray Salmo 47:4

Pinili toy dalin a panaayaman tayo natan, say ikikinun a kayaryan na saray totoon inaro to.

Jeremias 48:11

Say Katawan inkuanto, Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Nahum 3:14

Mantipon kay danum a pangiparaan mod panlakob dad sika, tan pabiskeg mo ray tirinsiram! Gatin-gatinan mo ray pitek, ta manggawa ka na saray laryo, tan iparaan mo ray pampeket ed sikara!