Nahum 1:3 - Maung a Balita Biblia

³ Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Maung A Balita Biblia

³ Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Nahum 1:3 Referans Kwoze

Saray Salmo 147:5

Matalonggaring tan makapanyari so Katawan tayo; ag nasukat so kakabatan to.

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balen manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Saray Salmo 145:8

Say Katawan maaro tan mapangasi, aliwan maipapasnuk tan baleg so ag mangoman a panangaro to.

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Bilang 14:18

Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Mateo 26:64

Inmebat si Jesus, Sika lan dili so mangibabaga. Balet kuankod sikayon amin a manlapud natan, nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met ya onsasabin walad saray lorem na tawen!

Jonas 4:2

Kanyan nampikasi, Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Saray Salmo 66:3

Kuanyod Dios, Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

Say Libro nen Job 38:1

Manlapud bagyo, say Katawan akisalitad kinen Job:

Say Libro nen Job 10:14

Babantayan mo ak ta nengnengen mo no mankasalanan ak, pian walay makasengeg na ag mo pamirdonad siak.

Joel 2:13

Ipapuso yoy panermen yo; aliwan masarag so pampilat yod kawes yo. Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

2 Samuel 22:10

Inlokiab toy tawen insan inmakseb, walay makapal a lorem ed silong na saray dapan to.

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.