Mikias 7:7 - Maung a Balita Biblia

⁷ Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Maung A Balita Biblia

⁷ Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Mikias 7:7 Referans Kwoze

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Isaias 45:22

Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 25:9

No nagawa la ya, say balang too ikuanto, Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.

Saray Salmo 25:5

Ibangat mo ak pan mambilay onung ed katwaan mo, ta sikay Dios a Manangilaban ko. Manmatalek ak ed sika lawas.

Saray Salmo 130:5

Ontan lay panaalagar koy tulong na Katawan, tan manmamatalek ak ed salita to.

Saray Salmo 109:4

Susumpaen da ak, anggaman ya aaroen ko ra, tan impikasik ira.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 65:2

ta eebatan mo ray pikakasi. Ondagod sikay amin a katoowan,

Genesis 49:18

Manalagar ak na panangilaban mo, Katawan.

Saray Salmo 38:15

Balet manmamatalek ak ed sika, O Katawan; et sika, Katawan a Dios ko, so onebat ed siak.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.

Isaias 17:7

No onsabiy tan ya agew, onsingger iray totoo ya onkerew na tulong ed Amalsad sikara, say masanton Dios na Israel.

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Oseas 12:6

Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Joel 1:19

Ontatawag ak ed sika, O Katawan, lapud amagaan iray pastolan tan saray kakiewan, singa ra apoolan.

Habacuc 2:1

Onkalab ak ed tagey na panagbantayan ko tan alagden kon nengnengen no antoy ibaga na Katawan ed siak tan no antoy iyebat tod riklamok.

Saray Bilang 5:28

Balet no ag akikaloguran, ag naano tan makapananak.

Saray Salmo 85:5

Andi-anggaan so pasnuk mod sikami? Ag la ontonday petang na olom ed amin a kailalakan?

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.