Mikias 6:12 - Maung a Balita Biblia

¹² Saray mamayaman a totoo yo et papairapen da ray mairap-bilay, tan matila kayon amin.

Maung A Balita Biblia

¹² Saray mamayaman a totoo yo et papairapen da ray mairap-bilay, tan matila kayon amin.

Mikias 6:12 Referans Kwoze

Oseas 7:13

Pakaskasi la ra! Inkaindan da ak tan linmaban irad siak. Naderal ira. Labay ko ran ilaban, balet tila-tila so impangigalang dad siak.

Jeremias 9:8

Singa makapatey a pana iray dila ra; tila lawas so sasalitaen da. Maumaung so panagsalita na balang sakey ed kapara ton too, balet diad tuay tua sisiliban to.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Saray Taga Roma 3:13

Saray kolokolung da singa ra lobuk ya akalokas; pantitila da ray dila ra, singa ditay oleg iray salitan maoges ya ibabalikas na saray bibil da;

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Oseas 7:1

Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Saray Salmo 35:20

Ag ira mansasalitan singa saray kakaaro; ingen manggagawa ray nandoroman tila nipaakar ed totoon maarod kareenan.

Amos 2:4

Say Katawan kuanto, Nankakasalanan iray totood Juda, Kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Amos 6:4

Pangaskasiyan so kipapasen yo, sikayon maninat-inat ed saray mabmablin katri yo tan manliliket ed pandorongo yod potahin karniy kilaw na baka tan kordiro!

Saray Salmo 78:36

Balet tilan amiy salita ra, tan lastug ya amiy imbaga ra.

Saray Salmo 120:2

Iyagel mo ak pa, Katawan, ed saray matitila tan saray managpalikdo.

Sofonias 1:9

Dusaen kon amin iray mangigagalang a singa saray pagano tan mantatakew tan mampapatey ira, pian napano ra na sinamsam so abung na amo ra.

Saray Gawgawa 24:9

Akikasakey ira may Judio ed kinen Tertulo, tan pinaneknekan dan tua ya amin so imbaga to.