Mikias 3:9 - Maung a Balita Biblia

⁹ Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Maung A Balita Biblia

⁹ Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Mikias 3:9 Referans Kwoze

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Deuteronomio 27:19

Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo. Insan onebat iray amin a totoo, Amen!

Mikias 3:1

Dengel kayo, sikayo ran manoley ed Israel! Sikayo komun so nepeg a mannunot na nipaakar ed katunongan,

Oseas 5:1

Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungankanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 21:7

Saray totoon maoges dudusaen ira na dilin inkaruksa ra, lapud ag da labay so manggaway kaptekan.

Ezekiel 44:23

Nepeg ya ibangat na saray papari ed saray totook so pandomaan na masanto tan say aliwan masanto, tan say pandomaan na malinis tan say aliwan malinis, onung ed ganggan.

Mikias 1:1

Legan na impanoley di Ari Jotam, Acaz, tan Ezekias Juda, say Katawan inter to yan salita ed kinen Mikias a taga baley na Moreset. Impaamta na Katawan ya amin ira yan bengatlan nipaakar ed Samaria tan Jerusalem.

Nehemias 13:17

Nampasnukan ko ray pangulo na saray Judio tan inkuankod sikara, Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!