Mikias 3:7 - Maung a Balita Biblia

⁷ Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Maung A Balita Biblia

⁷ Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Mikias 3:7 Referans Kwoze

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Amos 8:11

Onsabiy panaon a mangipadalan ak ed bansa yo na eras, balet ta aliwan eras ed kakanen tan iinomen no ag ingen eras ed pandengel na salitay Katawan. Siak, say Katawan a Dios, so nansalita.

Ezekiel 24:17

Ag mo ikakasil so panngesnges mo. Ag ka ompapaway ya anggapoy turban mo odino kasali-sali a pangipanengneng moy ermen mo. Ag mo sasakbungay lupam; ag ka met mamangan na kakanen da ray maneermen.

1 Samuel 28:6

kanyan tinepet tod KATAWAN no antoy gawaen to. Balet ag balut inebatan na KATAWAN, diad panamegley na kogip, odino diad panamegley na Urim tan Tummin, odino diad panamegley na saray propita.

Levitico 13:45

Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, Marotak, marotak!

Mikias 7:16

Nanengneng ya na saray bansa, et nalemay ira anggaman a mabisbiskeg ira. Diad kalemay da ikopit day sangi ra tan pepetan da ray layag da.

Ezekiel 24:22

Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

1 Samuel 28:15

Inkuanen Samuel ed kinen Saul, Akin et sinigensigen mo ak? Akin et pinapawil mo ak? Inmebat si Saul, Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.

1 Samuel 14:37

Kanyan tinepet nen Saul ed Dios, Dogpaan ko ra kasiy Filisteo? Panaloen mo kami kasi ed sikara? Balet ag inmebat so Dios ed saman ya agew.

1 Samuel 9:9

Inmebat si Saul, Maung itan! Tala. Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, Wadya may managparles? (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, Onla tayod managparles.)

Exodo 9:11

Ag ayarian na saramay managsalamangka so akiarapan ed kinen Moises, lapud napnoy laman da na pelsa a singa amin da ray arum ya Egipsio.

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Jeremias 18:18

Insan inkuan na saray totoo, Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.