Mateo 9:4 - Maung a Balita Biblia

⁴ Amta nen Jesus so walad kanunotan da kanyan inkuanto, Akin et maoges so walad kanunotan yo?

Maung A Balita Biblia

⁴ Amta nen Jesus so walad kanunotan da kanyan inkuanto, “Akin et maoges so walad kanunotan yo?

Mateo 9:4 Referans Kwoze

Lucas 6:8

Balet amta nen Jesus so walad kanunotan da, kanyan inkuantod samay lakin aparalisis so lima to, Gala tan alagey ka diad arap. Dinmago may laki tan nanalagey diman.

Mateo 12:25

Amta nen Jesus so walad isip da, kanyan inkuantod sikara, Ag mambayag so nanarian a pankokolkolay totoo ya apagen. Ontan met ya ag mansiansia so balang baley o pamilya a naapag-apag tan manlalaban iray kabyangan to.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.

Lucas 11:17

Balet amta nen Jesus so walad isip da, kanyan inkuantod sikara, No manlalaban iray totood sakey a nanarian, ag mambayag itan a nanarian. No manlalaban iray kabyangan na sakey a pamilya, naderal itan a pamilya.

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Salmo 44:21

naamtaan mo la komun, ta kabat mo ray maamut a nunot mi.

Saray Gawgawa 5:9

Inkuanen Pedro, Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!

Juan 16:19

Amta nen Jesus a labay dan tepetan, kanyan kuantod sikara, Mantetepetan kayoy nipaakar ed imbagak, Antiktikey lan panaoy pakanengneng yod siak, balet ag mambayag nanengneng yo ak lamet.

Juan 6:64

Balet wala rad sikayoy ag manisia. (Ta gendat lan kabat nen Jesus no siopa ray ag manisiad sikato, tan no siopay mantraidor ed sikato.)

Juan 6:61

Balet amta nen Jesus a ngoro-ngoro ray disipulo to nipaakar ed saya, kanyan kuantod sikara, Onsawa ki la kasid siak lapud sayan bangat?

Juan 21:17

Pinitlo nen Jesus a tinepet, Simon ya anak nen Juan, inaro mo ak? Naermenay Pedro ta pinitlo nen Jesus a tinepet, Inaro mo ak? Kanyan kuantod kinen Jesus, Katawan, amtam iray amin a bengatla; amtam ya inaro ta ka! Inkuanen Jesus ed sikato, Asikasom iray karnirok.

Lucas 5:22

Amta nen Jesus so walad kanunotan da, kanyan inkuantod sikara, Akin et ontay walad kanunotan yo?

Marcos 12:15

Balet atebek nen Jesus so maoges a getma ra, kanyan kuantod sikara, Akin et labay yo ak ya erelen? Itdan yo ak pa na sakey a kuarta ta nengnengen ko.

Marcos 2:8

Amtan tampol nen Jesus so walad kanunotan da, kanyan inkuantod sikara, Akin et ontay walad kanunotan yo?

Lucas 7:40

Simon, inkuanen Jesus, wala pay labay kon ibagad sika. Anto man, Maistro? ebat to.

Ezekiel 38:10

Sikato yay kuan na Katawan a Dios ed kinen Gog: No onsabiy tan a panaon igapom so mannunot na sakey a maoges a plano.