Mateo 8:29 - Maung a Balita Biblia

²⁹ Inmeyaeyag iran tampol, Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?

Maung A Balita Biblia

²⁹ Inmeyaeyag iran tampol, “Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?”

Mateo 8:29 Referans Kwoze

Marcos 1:24

tan ineyaeyag to, Antoy pibabalian mod sikami, Jesus a taga Nazaret? Linma ka dian maneral ed sikami: Kabat ko no siopa ka: sika so Masanto na Dios!

Lucas 4:34

Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!

Santiago 2:19

Sisiaen mon saksakey so Dios, anto? Maung itan! Saray dimonyo sisiaen da met, tan manggiwgiw ni ra ingen.

Marcos 5:7

insan to iningaingal, Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!

Lucas 8:28

Nen anengneng toy Jesus, inmingal, dinmakmomod arap to, tan inkuanton makmaksil, Jesus, Anak na Sankatageyan a Dios! Antoy pibabalim ed siak? Pikasik ed sikan ag mo ak papairapen!

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

Mateo 4:3

Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Juan 2:4

Inkuanen Jesus ed kinen ina to, Ag nepeg ya ibaga yoy gawaen ko. Ag ni sinmabiy oras ko.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, Sikay Anak na Dios! Balet binano ra nen Jesus, tan ag to ra abuloyan a mansalita, lapud amta ran sikato so Cristo.

2 Samuel 16:10

Inkuan na ari ed sanagin si Abisai tan si Joab, Anggapoy pibabali yod saya. No aayewen to ak lapud imbagay Katawan ed sikato, siopay toon walay kanepegan a manepet no akin et gagawaen to?

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

Saray Gawgawa 16:17

Tinotombuk toy Pablo tan sikami, tan iniingal-ingal to, Sarayan totoo aripen iray Sankatageyan a Dios! Ibabawag dad sikayo so dalan na kilalaban!

Marcos 3:11

Tan kapag si Jesus et nanengneng na saramay totoon inaaponan na maoges iran ispiritu, ondapa rad saliyan to tan iyingaingal da, Sika so Anak na Dios!

1 Saray Arari 17:18

Inkuantod kinen Elias, Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?

2 Samuel 19:22

Balet inkuanen David ed saray sanagin Abisai tan Joab, Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.

Joel 3:4

Antoy gagawaen yod siak, sikayo ran taga Tiro, Sidon, tan amin a dalin a sakop na Filistia? Babayaran yo ak, lapud sakey a bengatla? No ontan so gagawaen yo, bayaran ta kayon tampol!

Saray Huis 11:12

Angibakiy Jefte na pigaran totoo ed ari na Ammon a mangikuan, Antoy makasengeg na pilalaban mod siak? Akin et nilooban mon bakalen so bansak?

2 Saray Arari 3:13

Akin et tulongan ta ka? inkuanen Eliseo ed ari na Israel. Lakan mangipanon ed saray propitan angipanonan di amam tan inam. Andi! ebat nen Joram. Say Katawan so nantipon ed sikamin taloran arari, pian napadakep to kami ed ari na Moab.

2 Saray Awaran 35:21

balet angibakiy Neco na saray totoo tan impaikuanto, Sayan pibabakal ko et anggapoy pibabalim, Ari na Juda. Ag ak dia linman mibakal ed sika, no ag ingen diad saray kalaban ko tan imbaga na Dios a mangganat ak. Kaibak so Dios, kanyan ag mo lalabanan, ta no ipasoot mo pateyen to ka.

Mateo 8:30

Diad asingger diman, wala ray baboy a manaalibok.