Mateo 7:24 - Maung a Balita Biblia

²⁴ Kanyan siopamay ondengel tan manumpal ed sarayan salitak, aliling toy sakey a toon makalakal ya angipaalagey ed bato na abung to.

Maung A Balita Biblia

²⁴ “Kanyan siopamay ondengel tan manumpal ed sarayan salitak, aliling toy sakey a toon makalakal ya angipaalagey ed bato na abung to.

Mateo 7:24 Referans Kwoze

Juan 13:17

Natan ta amta yo la ra ya, maliket kayo no gawaen yo ra.

Lucas 11:28

Balet inmebat si Jesus, Lalo ni ingen a maliket iray ondedengel ed salitay Dios tan oonuren da!

1 Juan 2:3

No onuren tayo ray ganggan na Dios, andi-duaruwad satan a kabat tayoy Dios.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Juan 14:15

No inaro yo ak, onuren yo ray ganggan ko.

Juan 15:14

Kakaaro ta kayo, no onuren yo ray ganggan ko.

Say Libro nen Job 28:28

Inkuan na Dios ed too, Magmaliw kan makabat no takotan moy Katawan, Nawalaan kay pakatalus no ibatikan moy kaogsan.

Juan 15:10

No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.

Saray Salmo 119:99

Maung niy pakatalus ko nen saray amin a managbangat ed siak, ta dadalepdepen ko ray bilibilin mo.

Saray Salmo 119:130

Say pangipaliwawa na saray salitam et mangiter na liwawa tan kakabatan ed saray anggapoy pakatalus.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 10:25

Naandipat iray totoon maoges no ondalan so bagyo, balet lawas arawid kaatapan iray totoon matonung.

Probirbio 12:7

Nadederal iray totoon maoges tan anggapoy ititilak dan kabyangay boleg da, balet mansiansia ray pamilya da ray totoon matonung.

Mateo 7:25

Sinmabiy maples ya oran, dinmelap, tan katekep to niy maksil a bagyon binmasig ed saman ya abung. Ag balet nagba, ta bato so pundasion to.

Mateo 7:26

Siopamay ondengel ed sarayan salitak et ag to ra lamlamang sumpalen, aliling toy sakey a toon anggapoy kalakal ya angipaalagey ed buer na abung to.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Mateo 24:45

Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Mateo 25:2

Kulang na kalakal so limarad sikara, tan makalakal so limara.

Mateo 25:4

Balet saramay makalakal inawit da ray lamparaan da tan nambalon iray larak.

Mateo 25:9

Andi, ebat da ra may makalakal, ta ompan ag ondugad para sikatayon amin. Say maung lakayo lan manaliw ed saray manlalakoy larak.

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.