Mateo 7:21 - Maung a Balita Biblia

²¹ Aliwan amin da ray ontawag ed siak na Katawan, Katawan, so makaloob ed Panariay tawen, no ag labat saray manumpal ed linaway Amak a walad tawen.

Maung A Balita Biblia

²¹ “Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Mateo 7:21 Referans Kwoze

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.

Lucas 6:46

Akin et tatawagen yo ak na Katawan, Katawan! et ag yo lamlamang totombukey ibabagak?

Santiago 1:22

Toluk kayod salitay Dios. No dengelen yo labat ya ag yo onuren, titilaan yoy sikayon dili.

Lucas 11:28

Balet inmebat si Jesus, Lalo ni ingen a maliket iray ondedengel ed salitay Dios tan oonuren da!

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Saray Hebreo 4:6

Saray akaonan akadngel na Maung a Balita et ag ira akapampainawa, lapud ag ira anisia. Balet wala ray makapampainawa,

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.

1 Pedro 4:2

Kanyan manlapud natan ya anggad arapen a panaon, pampelengan yo lan onurey linaway Dios, aliwan saray maoges a pilalek na laman.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Juan 3:5

Ibagak ed sikay katwaan, ebat nen Jesus, no ag nianak ed danum tan Ispiritu so sakey a too, ag makaloob ed Panariay Dios.

Mateo 18:3

tan inkuanto, Tandaan yo ya! No ag yo pasimbaloey panagbilay yo tan ag yo aligen iray ogogaw, ag kayon balut makaloob ed Panariay tawen.

Juan 7:17

Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Diosno anto so maung, makapaliket ed Dios, tan ayadyari.

Marcos 3:35

Ta siopamay manumpal na linaway Dios, sikatoy agik, sikatoy inak.

1 TESALONICA 5:18

Diad anggan anton kipapasen misalamat kayod Dios, ta sikato yay linawa to para sikayo, diad pambibilay yon kaolup yoy Cristo Jesus.

TAGA-EFESO 6:6

Walay makanenengneng man o anggapo, ontay gawa yo, aliwan lapud pamaliket yod too; ingen lapud aripen kayo nen Cristo, onur yon mabolbolus so linaway Dios.

1 Pedro 2:15

Ta labay na Dios a patondaen yoy andi-kakanaan a lalabiren da ray makulang-kulang a totoo, diad panamegley na saray maung a gagawaen yo.

Mateo 25:21

Inkuanto may amo, Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!

1 TESALONICA 4:3

Say linawa na Dios et say pambilay yon masanto tan say iyarawi yod inmoralidad.

COLOSAS 4:12

Papaibanoan met so sakey nin kabyangay moyung yo, si Epafras a managlinkur nen Cristo Jesus. Masimoon ton ipipikasi lawas a magmaliw kayo komun a mabiskeg, tan ayadyari ya anggapoy panduaruwaan ed panangonur na linaway Dios.

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. Katawan, inkuanyo, lokasan mo kami pa! Onebat ed satan, Ag ko amta no taga iner kayo!

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, Dakel iray nepeg tin palabasen ya irirap diad iloob tayod Panariay Dios.

Lucas 18:25

Mainomay niy kamilyon onloob ed abut na dagom nen say toon mayaman ya onloob ed Panariay Dios.

Marcos 9:47

Sokit moy matam no sikatoy pansengegay pankasalanan mo, ta magmaung nin onloob kad Panariay Dios a bulag so sakey a matam nen say nibantak kad impirnon nantopag so matam.

Mateo 19:24

Kuanko nid sikayo a mainomay niy kamilyon onloob ed abut na dagom nen say toon mayaman ya onloob ed Panariay Dios.

Mateo 18:35

Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.

Juan 15:23

Say mambosul ed siak, bosulen to met so Amak.

Mateo 26:42

Pinmidwan inmarawi si Jesus tan nampikasi, Amak, no ag nipaliis yan kupay kairapan likud ya inomen ko, say linawam so nasumpal.

Mateo 16:17

Inkuanen Jesus ed sikato, Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Juan 14:7

Natan ta kabat yo ak la, kabat yo met lay Amak. Manlapud natan, kabat yo la tan anengneng yo la.

Juan 5:17

Balet inmebat si Jesus ed sikara, Si Amak mankikimey anggad natan; ontan ko met.

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.

Mateo 18:10

Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Mateo 18:19

Kuanko nid sikayo: no mankasakey diad tapew na dalin so duarad sikayo a mikerew na antokaman, iter na Amak ed tawen so kerewen da.

Mateo 25:10

Linma sirin ira may kulang na kalakal tan legan dan manasaliw, sinmabiy nubio. Saramay limaran makalakal, lapud akaparaan la ra, akiolup irad nubio a linmoob ed pambansalan. Kaloob da, nikaput so puirta.