Mateo 5:9 - Maung a Balita Biblia

⁹ Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Maung A Balita Biblia

⁹ “Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Mateo 5:9 Referans Kwoze

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Taga Roma 12:18

No nayari, diad anggaay nayarian yo, piolupan yon amiy too.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

Saray Salmo 120:6

Abayag lay panaayam ko ed kawalaan na saray totoon managbosul na kareenan!

Saray Taga Roma 8:14

Anak na Dios iray amin ya itotonton na Ispiritu na Dios.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

COLOSAS 3:13

Mantutulongan kayo, tan mampipirdonaan kayo no walay irap na linaway sakey ed sananey. Mampipirdonaan kayo, onung na impamirdonay Katawan ed sikayo.

Saray Salmo 34:12

Labay yon maliket so pambilay yo? Labay yon andokey tan maaligwas so pambilay yo?

Mateo 5:48

Kanyan nakaukolan ya ayadyari kayo, a singa say ayadyarin Ama yo a walad tawen.

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

Saray Gawgawa 7:26

Nen ontombuk ya agew, anengneng toy duaran Israelita a manlalaban, tan pankakaroen to ra. Kakaaro, inkuanto, akin et manlalaban kayo anta sanagi kayo?

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

1 Saray Awaran 12:17

Inabet ira nen David tan kuanto, No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.

1 CORINTO 6:6

Akin et say sakey ya agi irimanda toy sakey ya agi, anta saray huis yo ni met et aliwa ran mananisia?

FILIPOS 4:2

Euodia tan Sintike, kekerewen kod sikayon mampawilan ki la, ta sanagi kid Katawan.

Lucas 20:36

Ag la ra nayarin ompatey, ta singa ra saray anghil. Anak iray Dios, ta inmoli rad bilay.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

Saray Taga Roma 8:16

Say dilin Ispiritu, a kaiba toy ispiritu tayo, so mamaneknek a sikatayo ray anak na Dios.

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.