Mateo 5:6 - Maung a Balita Biblia

⁶ Maliket iray mampipilalek a manumpal na linaway Dios, ta iter tod sikaray pampilalekan da!

Maung A Balita Biblia

⁶ “Maliket iray mampipilalek a manumpal na linaway Dios, ta iter tod sikaray pampilalekan da!

Mateo 5:6 Referans Kwoze

Juan 4:14

balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.

Saray Salmo 107:9

Pepeneken to ray nanaapgaan, tan pepeselen to ra na maung a bengatla iray nanaerasan.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

Saray Salmo 145:19

Iiter toy nakaukolan da ray mangigagalang ed sikato; derengelen toy akis da tan ilalaban to ra.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, Siopamay napgaan nepeg toy ondagod siak tan oninom.

Puyan 7:16

Ag la ran balut naerasan o naapgaan. Ag met la ra napoolay agew o anggan anton ampetang.

Lucas 6:21

Maliket kayon narasan natan, ta napesel kayo! Maliket kayon mannangis natan, ta napaliket kayo!

Isaias 44:3

Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Lucas 1:53

Pinesel to na maung a bengabengatla iray narasan, tan pinataynan ton kalima-lima iray mamayaman.

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Saray Salmo 65:4

Maliket iray pipilien mo, saray iyaakar mon manayam ed santuariom. Napenek kamid saray maung a bengatlan walad abung mo, saray bindisioy masanton Timplom.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundosakey a ponsian sankananaman iray kakanen tan sankaabigan iray alak ya isaklang.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Lucas 6:25

Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Isaias 41:17

No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.

Saray Salmo 17:15

Lapud matonung ak, nanengneng ta ka; no ombangon ak; say kiwawalam papanoen to ak na gayaga.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanamanan kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 66:11

Manliket kayod aligwas to, a singa sakey ya ogaw a melag a maliket a mansususod ina to.

Probirbio 10:24

Nagamuran na saray totoon matonung so pilalek da, balet onsabid saray totoon maoges so tatakotan da.

Probirbio 21:21

Mambilay kan mapangasi tan maptek, et andokey so bilay mo; pagalangan ka na arum a totoo tan ag da ka saolen.

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.