Mateo 5:44 - Maung a Balita Biblia

⁴⁴ Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Maung A Balita Biblia

⁴⁴ Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Mateo 5:44 Referans Kwoze

Saray Taga Roma 12:14

Kerew yod Dios a bindisionan to ray mamapasegsegang ed sikayo; on, pikasi yon bindisionan, aliwan isamba to ra.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

Lucas 23:34

Inkuanen Jesus, Ama, pirdonam ira, ta ag da amtay gagawaen da! Kayari ran nampapalaranan iray kawes to, inapag da.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

Saray Gawgawa 7:60

Tinmalimukor tan ineyag toy makmaksil, Katawan, ag mo pa la ipapakasalanan ed sikara yan ginawa ra! Kapangibaga tod saya, inatey.

2 Saray Arari 6:22

Inmebat si Eliseo, Andi! Papateyen mo ta ray sondalon nadadakep mod bakalan? Itdan mo ray nakan tan inomen, insan mo la ra papawilen ed ari ra.

1 Samuel 24:17

insan to inkuan ed kinen David, Maptek ka nen say siak. Maung so ipapatnag mod siak, balet maoges so gagawaen kod sika!

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Juan 13:34

Iter kod sikayoy sakey a balon ganggan: manaarowan kayo! Onung na impangarok ed sikayo, ontan met so panaarowan yo.

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

Saray Gawgawa 16:28

Balet inmingaingal si Pablo, Ag mo papasakitay laman mon dili, ta wadya kamin amin!