Mateo 3:12 - Maung a Balita Biblia

¹² Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.

Maung A Balita Biblia

¹² Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Mateo 3:12 Referans Kwoze

Malakias 4:1

Say Katawan kuanto, Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Mateo 13:30

Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.

Jeremias 51:2

Mangibaki ak na saray totoon taga arum a bansa a manderal ed Babilonia; a singa dagem a mangitikyab na taep ed arawi. No onsabi tan ya agew na panagderal, ondogpa ra manlapud amin a dapag tan taynan da ya anggapoy nakeraan so dalin.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Saray Salmo 1:4

Balet aliwan onyay toon maoges, singa taep ya ititikyab na dagem.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Juan 15:2

Ekalen toy balang sangan ag mambunga tan palinan to so sangan mambubunga tan palinan to so sangan mambubunga, pian lalon ondakel so bunga to.

Jeremias 15:7

Diad kapag baley ed bansa, imbantak ta kayod tagey a singa taep. Dineral ta kayo, totook, pinapatey ko ray anak yo lapud ag yo tinondaan so maoges a kabibilay yo.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.

Isaias 30:24

Mangan na sankaabigan tan sankalangweran a dika iray bakan kalakyan tan saray asnon mambaka na saray kaalogan yo.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Saray Salmo 35:5

Magmaliw ira komun a singa taep ya itiktikyab na dagem, na oosilan iray anghil na Katawan!

Say Libro nen Job 21:18

tan impagmaliw to ran singa taep ya impalir-palir na dagem, odino dabuk ya intitikyab na bagyo?

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!

Amos 9:9

Mangganggan ak, et nayegyeg iray totood Israel a singa kayakayak na belas ed yakayakan. Yakayaken ko rad saray bansa, ta ekalen ko ray amin ya andi-kakanaan.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Jeremias 4:11

Onsabiy panaon a nibagad saray totood Israel a say makasinit a dagem a manlalapud kabueran et onsibuk ed saray totoo na Katawan. Ag onsibuk a singa dagem a mangipapalir na trigo

Isaias 66:24

No onsisiput ira, nanengneng da ray bangkay na saray linmaban ed siak. Ag balut ompatey iray bigis a mangan ed sikara, tan ag balut naerep so apoy a mamool ed sikara. Makapaingungot ed amin a katoowan so nengneng da.

Isaias 27:4

Ag ak la mamapasnuk ed kaubasan. No wala bilang iray ambabaing tan sabitan ya eekalen, sigput ko ran poolan.

Mateo 13:42

Insan da ra ibantak ed manliub ya apoy a diman ira manakis tan manngayet.

Lucas 3:16

Kanyan inkuanen Juan ed sikaran amin, Siak bibinyagan ta kayo ed danum, balet walay manomtombuk ed siak. Sikatoy makapanyari nen siak tan ag ak manepeg ya anggan mangokbar na sandalya to. Sikato binyagan to kayo ed Ispiritu Santo tan apoy.

Isaias 28:28

Ag to deralen so trigo diad panilik to lan panilik; amta toy gawaen to diad pangipadalan tod kariton tan baka ed saray trigo, ya ag to ra temeken.