Mateo 26:63 - Maung a Balita Biblia

⁶³ Balet ag inmesel si Jesus. Inkuanto lamet imay Pangulon Pari, Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.

Maung A Balita Biblia

⁶³ Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

Mateo 26:63 Referans Kwoze

Levitico 5:1

Say bagat a para kasalanan et nakaukolan ed saray onggendan a kaso. No say sakey a too et tinawag na korti a mantasi et ag to ibaga so nipaakar ed anengneng odino nadngel to, nepeg a nadusa.

Mateo 16:16

Inmebat si Simon Pedro, Sika so Cristo ya Anak na Dios a mabilay.

Isaias 53:7

Mapalaloy inkairapan to, balet sipapaabeban nantepel; ag ton balut nambalikas na anggan sakey a salita. Aliling toy sakey a kordiron magano lan patasen, singa sakey a karniron magano lan katliay bago, ag ton balut nambalikas na anggan sakey a salita.

Mateo 27:12

Balet ag inebatan nen Jesus iray ipapakasalanan da ray manonan papari tan saray mamatakken na baley.

1 Samuel 14:26

Napnoy dilo so takel, balet anggapoy angan ta antakot irad samay samba nen Saul.

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Juan 19:9

Linmoob lamet ed palasio tan tinepet tod kinen Jesus, Taga iner ka? Balet ag inmebat si Jesus.

Juan 19:7

Inmebat iray Judio, Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.

Juan 18:37

Tinepet nen Pilato, No ontan sirin, sakey kan ari? Inmebat si Jesus, Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.

Juan 10:36

No say siak, pinili ak na Ama tan imbaki to ak ed mundo. Panon sirin so pangibaga yon mansasalita ak na maoges sumpad Dios diad pangibabagak ya Anak ak na Dios?

Juan 10:30

Siak tan say Ama, saksakey kami.

Juan 10:24

Minokut na saray Judio tan tinepet dad sikato, Panduaruwaen mo kami nin mabayag kasi? No sika so Cristo, ibagam lan malinlinew ed sikami.

Juan 8:25

Siopa ka a? tinepet dad sikato. Inkuanen Jesus, Siak imay imbagak lad sikayo nen saman ni.

Juan 6:69

Manisia kami tan amta mi a sikay Masanto na Dios.

Juan 1:49

Inkuanen Nataniel ed kinen Jesus, Maistro, sikay Anak na Dios! Sikay Ari na Israel!

Juan 1:34

Anengneng ko ya tan papaneknekan kod sikayo a sikatoy Anak na Dios.

Marcos 14:61

Balet mareereen si Jesus tan ag balut inmesel. Tinepet lamet na Pangulon Pari ed kinen Jesus, Sika so Cristo ya Anak na Galgalangen a Dios?

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, Tuan sikatoy Anak na Dios!

Mateo 27:43

Manmamatalek ed Dios tan inkuanto, Siak so Anak na Dios! Nengnengen pa sirin no labay na Dios ya ilaban natan!

Mateo 27:40

Inkuanda, Aha, aliwa tan sika may maneral na Timplo, insan mo ipaalagey ed loob na taloy agew? Ilaban moy laman mon dili, no tuan sikay Anak na Dios! Epas kad tan ed krus!

Mateo 27:14

Balet ag lan balut inmebat si Jesus, kanyan ontan lay pankelaw to may Gobirnador.

Daniel 3:16

Inmebat ira di Sadrac, Mesac, tan Abednego, Ag mi iyagel so sikamin dili, Kagalang ya Ari.

Probirbio 29:24

Say manonan kalaban na kaibay matakew et say sikaton dili. Nadusa no ibaga tod korti so katwaan, balet isamba na Dios no ag to ibagay katwaan.

2 Saray Awaran 18:15

Balet inmebat si Acab, Mamimpigan ibagak ed sikan say katwaan labat so ibagam ed siak diad ngaray Katawan?

1 Saray Arari 22:16

Balet inmebat si Acab, Mamimpigan ibagak ed sikan say katwaan labat so ibagam ed siak diad ngaray Katawan?

1 Samuel 14:28

Balet inkuan na sakey ed sikato, Makapkapoy itayon amin ed eras, balet pinatakot itayo nen amam tan kuanto, Nisamba so toon mangan ed sayan agew.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, Nisamba so toon mangan ed sayan agew, kasakbayan a makabawi ak ed saray kalaban ko. Kanyan anggapoy angan ya anggan sakey ed sanagew.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?

Mateo 4:3

Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Mateo 26:62

Inmalagey imay Pangulon Pari tan inkuantod kinen Jesus, Anggapoy iyebat mod sayan ipapakasalanan dad sika?

2 CORINTO 1:19

Ta say Anak na Dios a si Jesu-Cristo ya impulong mi di Silvano tan Timoteo et aliwan On natan et kabebekta Andi, no ag ingen sikatoy On na Dios,