Mateo 26:5 - Maung a Balita Biblia

⁵ Balet ag tayo pateyen legan na pista, ta ag la pigan manggolo ray totoo, inkuanda.

Maung A Balita Biblia

⁵ “Balet ag tayo pateyen legan na pista, ta ag la pigan manggolo ray totoo,” inkuanda.

Mateo 26:5 Referans Kwoze

Mateo 27:24

Nen alikas nen Pilato ya anggapoy nagawaan to tan onggagapo lay golo, amaalay danum tan nanoras na lima tod arap na totoo. Inkuanto, Anggapoy kasalanan ko ed ipatey na sayan too! Makaoley kayo!

Mateo 21:26

Balet no ibaga tayon nanlapud too, antakot tayo ed gawaey totoo, ta manisia ran sakey a propita si Juan.

Mateo 14:5

Kanyan labay nen Herodes a pateyen si Juan, balet antakot ed saray Judio ta ipapasen dan propita si Juan.

Marcos 14:27

Inkuanen Jesus ed sikara, Ibatikan tan taynan yo ak ya amin, ta ibabagay Masanton Sulat, Pateyen na Dios so pumapastol et nataytayak iray karniro.

Marcos 14:12

Diad ononan agew na Pistay Tinapay ya Anggapoy Libadura, a sikato met so panagpatey na saray kilaw a karniro ya onkanad Paskua, tinepet da ray disipulo ed kinen Jesus, Iner so labay mon pangiparaanan miy panganan moy Paskua?

Marcos 14:2

Balet inkuanda, Ag tayo pateyen legan na pista, ta ag la pigan manggolo ray totoo.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Juan 18:28

Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Lucas 22:7

Sinmabiy Pista na Tinapay ya Anggapoy Libadura, a sikato met so panagpatey na saray kilaw a karniro ya onkanad Paskua.

Saray Tagleey 3:37

Say linawa labat na Katawan so nasusumpal.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Lucas 20:6

Balet no ibaga tayon nanlapud too, saray amin a totoo tupaken da tayoy bato, ta manisia ran propita si Juan.

Saray Gawgawa 19:29

Kinmayat yan golo ed intiron siudad. Siningkat da ra di Gayo tan Aristarco, taga ra Macedonian kakaiba nen Pablo diad panliliber-liber to, insan da ra inggagayugoy ed plasa.

Saray Gawgawa 21:38

No ontan, aliwan sika sirin imay lakin taga Egipsio ya angigapoy laban tan angyakar ed kalawakan na apat a libon lalakin managpatey?