Mateo 25:45 - Maung a Balita Biblia

⁴⁵ Onebat so Ari ed sikara, Kuankod sikayo: nen ag yo tinulongan so sakey a sankamelagan ed saraya, ag yo ak tinulongan.

Maung A Balita Biblia

⁴⁵ Onebat so Ari ed sikara, ‘Kuankod sikayo: nen ag yo tinulongan so sakey a sankamelagan ed saraya, ag yo ak tinulongan.’

Mateo 25:45 Referans Kwoze

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Probirbio 17:5

No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Saray Gawgawa 9:5

Siopa ka, Katawan? tepet to. Inmebat imay bosis, Siak si Jesus a papairapen mo.

Mateo 25:40

Onebat so Ari ed sikara, Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Saray Salmo 105:15

Inkuanto, Ag yo didiwiten iray aripen kon pinilik; ag yo papasakitan iray propitak!

Zacarias 2:8

Siopamay mangabil ed sikayo kabilen toy sankablian ed siak. Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.

Mateo 10:41

Say mangawat ed sakey a propita, lapud inkapropita to, minabang ed tumang na saman a propita. Say mangawat ed maung a too, lapud inkamaung to, minabang ed tumang na saman a too.

Mateo 25:44

Insan onebat ira, Katawan, kapigay impakanengneng mid sikan narasan o napgaan, o sakey a sangkaili, o anggapoy nisulong, o mansasakit, o apriso, et ag mi ka tinulongan?

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.

1 CORINTO 8:12

Lapud saya, mankasalanan kayod Cristo, diad pankakasalanan yod agagi yo, tan diad pandederal yoy konsinsia ran makapoy.