Mateo 24:7 - Maung a Balita Biblia

⁷ Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Maung A Balita Biblia

⁷ Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Mateo 24:7 Referans Kwoze

Lucas 21:11

Wala ray onsabin maksil a yegyeg, eras, tan sakisakit diad nandoroman pasen. Onletaw iray makapataktakot a bengatla tan makapakelkelaw iran tandan manlapud tawen.

Puyan 6:8

Anengneng kod satay kabayon posisaw so kolor to. Patey so ngaran na akakabayo, tan manontombuk ed sikatoy Hadis. Naitdan iray pakayari ed kakapat na mundo, a mampatey diad panamegley na ispada, eras, salot, tan saray ayayep ya atap diad tapew na dalin.

Isaias 19:2

Say Katawan kuanto, Panlalabanen ko ray Egipsio; mankakabilan iray sanaagi tan saray sanaabay. Mambabakal iray siudad tan mansasamsaman na pakayari iray arari.

Zacarias 14:13

Diad satan a panaon gewgewen ira na Katawan tan patakoten to ra na mapalalo, kanyan singkaten na balang sakey a too so kaabay to tan kabilen to.

Saray Gawgawa 11:28

Inmalagey so sakey ed sikaran manggaray Agabo ta, diad pakayariy Ispiritu, impasakbay ton onsabiy baleg a gawat ed intiron mundo. (Tinmua yan propisiya to nen si Claudio so Impirador.)

2 Saray Awaran 15:6

Say sakey a bansa pinairap toy sananey a bansa, tan say sakey a siudad pinairap toy sananey a siudad, lapud ipapasabi na Dios so segsegang tan kairapan ed sikara.

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Saray Hebreo 12:27

Saray salitan maminsan ni labay dan ibaga a nayegyeg tan naekal iray bengatlan pinalsa, pian ag naekal iray bengatlan ag nayegyeg.

Ezekiel 21:27

Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.

Ezekiel 14:21

Sikato ya so ibabaga na Katawan a Dios: Mangipadalan ak na mapalalon dusa ed Jerusalembakal, eras, ayayep ed katakelan, tan salota maneral ed saray totoo tan saray ayayep.

Saray Gawgawa 2:19

Manggawa ak na saray milagro diad tawen, tan saray tanda diad tapew na dalin. Dala, apoy, tan makapal ya asewek iray nanengneng,

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Puyan 6:5

Inekal na samay Kordiro so kumatlon timbri, tan nadngel kon inkuan na kumatlon pinalsa a mabilay, Gala dia! Insan anengneng koy sakey a kabayon andeket. Say akakabayod saya sankabembenan toy sakey a simbangan.

Puyan 6:6

Nadngel kod satay bosis a singa manlalapud kawalaan da ra may pinalsan mabilay. Inkuanto, Sakey a salup na trigo labat so nasaliw na sakey a dinario a sanagew lan suildo, tan taloran salup na sibada labat so nasaliw na sakey a dinario a sanagew lan suildo. Balet ag mo dederaley larak na oliba tan say alak!