Mateo 23:16 - Maung a Balita Biblia

¹⁶ Pakaskasi ki la, sikayo ran bulag a manangiwanwan! Ibabangat yo, No say Timplo so pansambaay sakey a too, ag nakaukolan a sumpalen to. Balet no say balituk ed Timplo so pansambaan to, nakaukolan a sumpalen to!

Maung A Balita Biblia

¹⁶ “Pakaskasi ki la, sikayo ran bulag a manangiwanwan! Ibabangat yo, ‘No say Timplo so pansambaay sakey a too, ag nakaukolan a sumpalen to. Balet no say balituk ed Timplo so pansambaan to, nakaukolan a sumpalen to!’

Mateo 23:16 Referans Kwoze

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.

Mateo 23:24

Bubulag a manangiwanwan! Sasapiten yoy apangat ed iinomen yo, balet aakmunen yoy kamilyo!

Mateo 23:17

Bubulag, anggapoy kalakal a totoo! Antoy lalon manona, say balituk o say Timplo a mamapasantod balituk?

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy On no on, tan Andi no andi, pian ag kayo sintinsiaay Dios.

Mateo 23:26

Bulag a Pariseo! Linisan mon onaay dalem na tasa tan plato, et nalinisan met lad satan so paway da!

Mateo 23:19

Agaylay inkabulag yo! Antoy manona, say imbagat o say altar a mamapasantod imbagat?

TAGA GALACIA 5:3

Pasakbayan ko lamet so balang sakey a mampasegat a nakaukolan ya onuren toy intiron Ganggan.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.

Mateo 23:13

Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!