Mateo 22:9 - Maung a Balita Biblia

⁹ Kanyan lakayod saray nansasangaay dalan tan imbitaan yo ray amin a nanengneng yo.

Maung A Balita Biblia

⁹ Kanyan lakayod saray nansasangaay dalan tan imbitaan yo ray amin a nanengneng yo.’

Mateo 22:9 Referans Kwoze

Puyan 22:17

Inkuan na Ispiritu tan say Nobia, Gala dia! Nepeg ya amin da ray makadngel ed saya ikuanda met, Gala dia! Siopamay napgaan onasingger; siopamay malabay, mangala na anggapoy bayar a danum na bilay.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

Saray Gawgawa 13:47

Ta onyay ingganggan na Katawan ed sikami: Impasen ta kan singa silew da ray Hintil, pian niyakar moy kilalaban ed intiron mundo.

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Obadias 1:14

Ag yo nepeg so nanalagey komun ed nansasalipongpongay dalan, pian naerel yo ray ombabatik ya onarawid kalaban. Ag yo nepeg ya impalima ra komun ed saray kalaban da diad samay agew na inkairapan da.

Mateo 22:8

Tinawag to ray aripen to tan inkuantod sikara, Akaparaan lay ponsiak, balet ag manepeg iray inimbitaan ko.

Mateo 22:10

Linma sirin iray aripen ed saray dalan tan inimbitaan da ray amin a totoon nalmo ra, maoges man o maung ira. Diad karakel na totoo, napnoy pasen a pamponsiaan.

Mateo 20:7

Anggapo lantiy mangalad sikami a mankimey, kuanda. Inkuanto, No ontan sirin, lakayo met a mankimey ed kaubasan ko!