Mateo 21:11 - Maung a Balita Biblia

¹¹ Inmebat iray totoo, Sikato yay propitan manngaray Jesus a taga Nazaret na Galilea.

Maung A Balita Biblia

¹¹ Inmebat iray totoo, “Sikato yay propitan manngaray Jesus a taga Nazaret na Galilea.”

Mateo 21:11 Referans Kwoze

Juan 6:14

Diad impakanengneng na saray totood sayan milagron ginawa nen Jesus, inkuanda, Sikato yan tua may Propita ya onsabid sankamundoan!

Juan 7:40

Nen nadngel da yan salita nen Jesus, inkuan na saray arum, Talagan saya may propitan aalagden tayo!

Lucas 7:16

Asabiay takot iray amin a wadman, tan indaydayew day Dios. Inkuanda, Sinmabid pegley tayo so matalonggaring a propita! Ag nilingwanay Dios ya ilaban iray totoo to!

Saray Gawgawa 7:37

Sikato ni ya may Moises a nankuan ed saray Israelita, Mamiliy Dios na sakey ed sikayo tan gawaen ton propita a singa siak.

Juan 9:17

Tinepetan lamet sirin na saray Pariseo may laki. Inkuanda, Sika met ey, antoy nibagam nipaakar ed sikato, bangta initdan to kay pakanengneng? Inmebat imay laki, Propita man a too.

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, Sikatoy natawag a Nazareno.

Juan 4:19

Inkuanto may bii ed kinen Jesus, Nalilikas kon sakey kan propita.

Juan 1:21

Tinepet da, Siopa ka sirin? Sika si Elias? Andi, aliwan siak, ebat to. Sika may propita ya alagden mi? tinepet da lamet ed sikato. Andi, ebat tod sikara.

Marcos 6:15

Inkuan met na saray arum, Si Elias ya. Wala ni ra ingey mangibabaga, Sakey yan propita, a singa saray propita nen saman.

Lucas 24:19

Anto ra tan? tepet to. Inmebat ira, Saray agawan nipaakar ed kinen Jesus a taga Nazaret, sakey a propitan makapanyari ed salita tan gawa diad matay Dios tan diad amin a katoowan.

Juan 1:25

Tinepet dad kinen Juan, No aliwa kan Cristo, odino si Elias, odino samay Propita, akin et mamibinyag ka?

Lucas 13:33

Balet nepeg kon ituloy so panaakar kod sayan agew, nabwas, tan diad ontombuk ya agew. Ta ag manepeg a napatey so sakey a propita no aliwan diad Jerusalem.

Lucas 7:39

Nen anengneng ya na samay Pariseon angimbita, inkuantod sikaton dili, No tuan propita yan too, kabat to komun no siopa yan bii so mandiriwit ed sikatosakey a makasalanan!

Mateo 21:10

Agoloy intiron Jerusalem nen onsabiy Jesus. Siopa ya kasi? tepet da.

Mateo 21:26

Balet no ibaga tayon nanlapud too, antakot tayo ed gawaey totoo, ta manisia ran sakey a propita si Juan.

Mateo 21:46

Kanyan erelan da lawari, balet antakot irad saray totoo lapud ipapasen dan sakey a propita si Jesus.