Mateo 2:4 - Maung a Balita Biblia

⁴ Impatawag ton amin iray manonan papari tan saray iskriba, ta tinepet tod sikara no iner so pangyanakan ed Cristo.

Maung A Balita Biblia

⁴ Impatawag ton amin iray manonan papari tan saray iskriba, ta tinepet tod sikara no iner so pangyanakan ed Cristo.

Mateo 2:4 Referans Kwoze

Saray Gawgawa 23:9

Kinmasil so ingalan da. Inmalagey iray pigaran iskriba a kakaiba ray Pariseo tan inkuandan sinmumlang, Anggapoy naalmo min kasalanan to yan too! Ompan walan tuay sakey ya ispiritu o anghil ya akitongtong ed sikato!

Saray Gawgawa 6:12

Lapud saya, atanggoyur a nampasnuk ed kinen Esteban iray totoo, saray mamatakken na baley, tan saray iskriba. Nila ray Esteban, inerel da, insan da inyarap ed Sanidrin.

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, Antoy pankatonungan mon manggawad saraya? Siopay angiter ed sika yan pankatonungan?

Mateo 7:29

ta imbangat to ran walay pakayari, aliwan singa panagbangat da ray iskriba.

Saray Gawgawa 4:5

Diad ontombuk ya agew, nantitipon ed Jerusalem iray manoley a Judio, saray mamatakken na baley, tan saray iskriba.

Juan 18:3

Kanyan linmad may Judas ed tanamanan a kaiba to ray sondalo tan pigaran guardiay Timplo ya imbaki na saray manonan papari tan saray Pariseo. Akaarmas ira tan wala ray awit dan parol tan nipetan a silew.

Juan 8:3

Kabebekta inyakar na saray iskriba tan saray Pariseo so sakey a biin narel a mikakaloguran, tan pinaalagey dad pegley na totoo.

Juan 7:32

Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 3:10

Inmebat si Jesus, Maistro kad Israel et ag mo amta ya?

Lucas 23:10

Inmasingger iray manonan papari tan saray iskriba tan ontan lay impangakusa rad kinen Jesus.

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.

Jeremias 8:8

Panoy pangibaga yo, Makabat kami; walad sikamiy ganggan na Katawan? Nengneng yo, inoman na saray matilan iskriba iray ganggan.

Marcos 8:31

Nanlapud saman, impakabat nen Jesus ed saray disipulo to a say Anak na Too et nepeg a manirap a maung; ag awaten na saray mamatakken na baley, saray manonan papari, tan saray iskriba; papatey da ni, balet onolid bilay kasumpal na taloy agew.

Mateo 27:1

Kasabiy kabwasan, nantotongtongan na amin a manonan papari tan saray mamatakken na baley no panoy pamatey dad kinen Jesus.

Mateo 26:47

Mansasalita niy Jesus nen sinmabi si Judas a sakey ed saray labinduan disipulo. Kaiba to ray amayamay a totoon sankaawit da ray ispada tan pekpek. Sarayan totoo imbaki na saray manonan papari tan saray mamatakken na baley.

Mateo 26:3

Saray manonan papari tan saray mamatakken na baley nantitipon irad palasio nen Caifas, a Pangulon Pari.

Mateo 21:15

Akapasnuk iray manonan papari tan saray iskriba nen anengneng day makapakelkelaw iran gagawaen nen Jesus tan saray ogogaw a mankulkulyaot ed loob na Timplo, Hosanna ed Anak nen David!

Mateo 13:52

Kanyan kuanto, Ontan sirin, balang iskriban magmaliw a disipulo ed Panariay tawen, miparad akanabung a mangipaway na balo tan daan iran bengatla a manlapud panangisinupan to.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Esdras 10:5

Impasambaan ya inmona nen Esdras ed saray pangulo da ray papari, Levita, tan saray arum a totoo a gawaen day imbaga nen Secanias.

Esdras 7:6

Sakey ya iskriba si Esdras tan kabkabat toy Ganggan ya inter na Katawan a Dios na Israel ed kinen Moises. Lapud walad kinen Esdras so bindision na Dios, inter na ari ed sikato so antokaman a kerewen to. Manlapud Babilonia

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

2 Saray Awaran 34:15

Inkuantod kinen Safan, Nalmok diad Timplo so libro na Ganggan. Inter tod Safan imay libro,

2 Saray Awaran 34:13

Saray arum a Levita et sikaray angipangulo ed panagsakbat na saray ikakana tan sikaray kapatas ed saray totoon walad nandoroman kimey. Sikritario odino guardia na Timplo iray arum a Levita.

Mateo 2:3

Nen nadngelan to ya nen Ari Herodes mapalaloy inkagunigon to; ontan met na amin da ray taga Jerusalem.

Mateo 2:5

Diad Betlehem ed Judea, ebat da. Ta onyay insulat na propita,