Mateo 19:4 - Maung a Balita Biblia

⁴ Inmebat si Jesus, Ag yo ta nababasad Masanton Sulat a nanlapud gapo et pinalsay Dios so laki tan bii?

Maung A Balita Biblia

⁴ Inmebat si Jesus, “Ag yo ta nababasad Masanton Sulat a nanlapud gapo et pinalsay Dios so laki tan bii?

Mateo 19:4 Referans Kwoze

Genesis 2:23

Inkuanto may laki, A, salamat, sikato yan siansiay kaparak. Pokel ya inalad saray pokel ko, tan laman ya inalad laman ko. Bii so ngaran to, ta inala ed laki.

Genesis 1:27

Onya so impamalsa na Dios ed too; pinalsa to ra a kaparay indengan to. Pinalsa toy laki tan say bii,

Genesis 5:2

Pinalsa to ran laki tan bii, binindisionan to ra, tan tinawag to ra na Katoowan.)

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Lucas 10:26

Inmebat si Jesus ed sikato, Antoy nisulat ed Ganggan? Panoy pangipapatalus mo?

Genesis 2:18

Insan inkuan na Katawan a Dios, Aliwan maung a mambukbukor so too. Igawaan ko na sakey a manepeg a kaiba to tan katulongan to.

Mateo 22:31

Natan, nipaakar ed kiolid bilay: ag yo ta ni nababasay imbaga na Dios ed sikayo? Ta inkuanto,

Mateo 12:3

Inmebat si Jesus, Ag yo ta nin balut abasa so ginawa nen David nen sikato tan saray kakaiba to et narasan ira?

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, Siak so Dios nen Abraham, Dios nen Isaac, tan Dios nen Jacob.

Marcos 12:10

Ag yo ta ni abasa ed Masanton Sulat? Say baton impasen ya andi-kakanaan na saray karpintiro nagmaliw lamlamang a sankakanaan a bato.

Marcos 2:25

Inmebat si Jesus, Ag yo ta nin balut abasa so ginawa nen David nen si Abiatar so Pangulon Pari? Nen si David tan saray kakaiba to et narasan ira tan anggapoy naakan da, linmoob irad abung na Dios tan kinan day tinapay ya imbagat ed Dios. Onung ed Ganggan, say pari labat so nayarin mangan na sayan tinapay, balet kinan nen David tan initdan to ni ra may kakaiba to.

Mateo 21:42

Inkuanen Jesus, Ag yo ta ni abasa ed Masanton Sulat? Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!

Lucas 6:3

Inmebat si Jesus ed sikara, Ag yo ta nin balut abasa so ginawa nen David nen sikato tan saray kakaiba to et narasan ira?

Mateo 21:6

Inmona sirin ira may disipulo tan sinumpal day pagagawa nen Jesus.

2 Saray Awaran 24:3

Amiliy Joiada na duaran bibii ya impaasawa tod Ari Joas, et nanilalak na lalaki tan bibii.