Mateo 19:19 - Maung a Balita Biblia

¹⁹ igalang moy amam tan inam; tan arom so kaparam a too a singa panangarom ed sikan dili.

Maung A Balita Biblia

¹⁹ igalang moy amam tan inam; tan arom so kaparam a too a singa panangarom ed sikan dili.”

Mateo 19:19 Referans Kwoze

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

Mateo 22:39

Say kumadwa a manonan ganggan kaparpara to: Arom so kaparam a too a singa panangarom ed sikan dili.

Deuteronomio 5:16

Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Exodo 20:12

Igalang moy amam tan say inam, pian andokey so pambilay mo ed dalin ya iter kod sika.

Santiago 2:8

Maung so gawaen yo no onuren yoy manonan ganggan a walad Masanton Sulat, Arom so kaparam a too, a singa panangaro ed sikan dili.

TAGA GALACIA 5:14

Ta natitibokel so amin a Ganggan ed saksakey a ganggan: Arom so kaparam a too a singa panangarom ed sikan dili.

Lucas 10:27

Inkuanto may too, Arom so Katawan a Dios mo ed intiron pusom, intiron kamererwam, intiron biskeg mo, tan intiron kanunotan mo; tan, Arom so kaabay mo a singa panangarom ed sikan dili.

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Saray Taga Roma 13:9

Ta saray ganggan, Ag ka mikakaloguran; ag ka mamapatey; ag ka mantatakew; ag ka maagom tan arum ni ran ganggan a singa saraya et natitibokel ed sayan ganggan, Arom so kaparam a too, a singa panangarom ed sikan dili.

Mateo 5:43

Nadngel yo met a niganggan nen saman, Arom iray kakaarom tan bosul mo ray kalaban mo.

Mateo 19:20

Inkuanto may balolaki, Oonuren ko la ra yan amin. Anto niy kakulangan ko?