Mateo 16:14 - Maung a Balita Biblia

¹⁴ Inmebat ira, Wala ray mangibabagan si Juan a Managbinyag. Ibabagay arum a si Elias; wala met iray mangibabagan si Jeremias o sakey ed saray propita.

Maung A Balita Biblia

¹⁴ Inmebat ira, “Wala ray mangibabagan si Juan a Managbinyag. Ibabagay arum a si Elias; wala met iray mangibabagan si Jeremias o sakey ed saray propita.”

Mateo 16:14 Referans Kwoze

Marcos 6:15

Inkuan met na saray arum, Si Elias ya. Wala ni ra ingey mangibabaga, Sakey yan propita, a singa saray propita nen saman.

Mateo 14:2

Inkuanen Herodes ed saray katulong to, Si Juan a Managbinyag so tatawagen day Jesus. Inmolin binmilay, kanyan ontan lay pakayari to.

Malakias 4:5

Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Juan 9:17

Tinepetan lamet sirin na saray Pariseo may laki. Inkuanda, Sika met ey, antoy nibagam nipaakar ed sikato, bangta initdan to kay pakanengneng? Inmebat imay laki, Propita man a too.

Juan 7:12

Dakel so iyeesaes na saray totoon nipaakar ed sikato. Maung a too, kuan na saray arum, balet wala ray mangibabaga, Andi, ta ibabalang to ray totoo.

Lucas 9:8

Wala met iray mangibabagan pinmanengneng si Elias. Wala ni ray arum a mangibabagan abilay so sakey ed saray propita nen saman.

Marcos 8:28

Inmebat irad sikato, Wala ray mangibabagan sika si Juan a Managbinyag. Ibabagay arum a sika si Elias; wala met iray mangibabagan sakey ka ed saray propita.

Mateo 17:10

Tinepet ed satan na saramay disipulo, Akin et ibabaga da ray iskriba a nakaukolan ya ononan onsabi ni diay Elias?

Juan 1:21

Tinepet da, Siopa ka sirin? Sika si Elias? Andi, aliwan siak, ebat to. Sika may propita ya alagden mi? tinepet da lamet ed sikato. Andi, ebat tod sikara.

Jeremias 1:1

Sasalitaen na sayan libro so nipaakar ed imbabaga nen Jeremias a lakin anak nen Hilcias, tan sakey ed saray papari ed baley na Anatot diad dalin nen Benjamin.

Mateo 3:1

Diad saraman ya agew sinmabiy Juan a Managbinyag ed kalawakay Judea tan nampupulong diman.

Mateo 16:15

Sikayo balet, antoy kuanyo? Siopa ak? tinepet nen Jesus.