Mateo 14:33 - Maung a Balita Biblia

³³ Inggalang na saramay walad baloto si Jesus tan kuanda, Tua a sikay Anak na Dios!

Maung A Balita Biblia

³³ Inggalang na saramay walad baloto si Jesus tan kuanda, “Tua a sikay Anak na Dios!”

Mateo 14:33 Referans Kwoze

Saray Salmo 2:7

Ibawag koy imbagay Katawan, kuay ari. Inkuay Katawan ed siak: Sikay anak ko; natad sayan agew nagmaliw ak ya amam.

Juan 11:27

On, Katawan! inebat nen Marta. Manisia ak a sikay Anak na Dios, say Cristo ya onsabi diad mundo.

Juan 1:49

Inkuanen Nataniel ed kinen Jesus, Maistro, sikay Anak na Dios! Sikay Ari na Israel!

Saray Taga Roma 1:4

no nipaakar ed masanton inka-Dios to, nipaamta a sikatoy Anak na Dios diad panamegley na makapanyarin gawa, a salanti say inkioli tod bilay.

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

Juan 6:69

Manisia kami tan amta mi a sikay Masanto na Dios.

Mateo 16:16

Inmebat si Simon Pedro, Sika so Cristo ya Anak na Dios a mabilay.

Juan 17:1

Nen asumpal nen Jesus ya imbaga ra ya, tinmangay ed tawen tan kuanto, Ama, sinmabi lay oras. Pagalangan moy Anak mo, pian napagalangan ka met na Anak.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, Sikay Anak na Dios! Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Marcos 15:39

Naimatunan na samay sondalon kapitan a manaalagey ed arap na krus no panon so ineyag tan impatey nen Jesus. Tuan Anak na Dios yan too! inkuanto.

Mateo 28:17

Nen anengneng day Jesus inggalang da, anggaman a wala ni ray manduaruwad sikara.

Mateo 28:9

Kabebekta inabet nen Jesus ira tan inkuanto, Say kareenan komuy walad sikayo! Sinmingger irad sikato, inegnaan da ray sali to tan inggalang da.

Mateo 26:63

Balet ag inmesel si Jesus. Inkuanto lamet imay Pangulon Pari, Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.

Juan 19:7

Inmebat iray Judio, Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.

Lucas 24:52

Inggalang da tan pinmawil iran magaygayaga ed Jerusalem.

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, Tuan sikatoy Anak na Dios!

Mateo 15:25

Balet nantalimukor imay biid arap nen Jesus tan kuanto, Tulongan mo ak kari, Katawan.

Mateo 4:3

Nitan met lay mananukso tan inkuanto, No sikan talagay Anak na Dios, iganggan mod sarayan bato a magmaliw iran tinapay.

Daniel 3:25

Akin sirin et apatiran lalaki so nanenengneng ko a manaakar-akar ed samay apoy? tepet to. Ag la ra abalur, tan ag da nengneng so nasasakitantan samay kumapat et nengneng toy singa anghil.

Saray Gawgawa 8:36

Diad pambabatik da, asabi ray pasen a kawalaay danum. Nengneng mo, walay danum! inkuanto may yunuko. Anto niy makasbel ed pampabinyag ko?

Lucas 8:28

Nen anengneng toy Jesus, inmingal, dinmakmomod arap to, tan inkuanton makmaksil, Jesus, Anak na Sankatageyan a Dios! Antoy pibabalim ed siak? Pikasik ed sikan ag mo ak papairapen!

Marcos 14:61

Balet mareereen si Jesus tan ag balut inmesel. Tinepet lamet na Pangulon Pari ed kinen Jesus, Sika so Cristo ya Anak na Galgalangen a Dios?

Mateo 27:43

Manmamatalek ed Dios tan inkuanto, Siak so Anak na Dios! Nengnengen pa sirin no labay na Dios ya ilaban natan!

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, Sikato yay inararok ya Anak a pakaliliketan kodengel kayod sikato!

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Mateo 14:32

Linmogan iran duad baloto, tan tinmonday maksil a dagem.