Mateo 14:28 - Maung a Balita Biblia

²⁸ Inkuanen Pedro, Katawan, no tuan sika, parago mo ak a manakar ed tapew na danum.

Maung A Balita Biblia

²⁸ Inkuanen Pedro, “Katawan, no tuan sika, parago mo ak a manakar ed tapew na danum.”

Mateo 14:28 Referans Kwoze

Juan 6:68

Inmebat si Simon Pedro, Katawan, siopay laen mi ni? Walad sika ray salitan mangiiter na bilay ya andi-anggaan.

Saray Taga Roma 12:3

Lapud baleg a panangaroy Dios ed siak ibabagak ed balang sakey ed sikayo: Ag yo itatanduroy laman yon dili ya alabas nen say kanepegan to. Ingen mampaabeba kayo tan balang sakey ed sikayo sintinsiaan toy sikaton dili, onung ed sukat na pananisian inter na Dios ed sikato.

Mateo 19:27

Nansalitay Pedro, Ag mo lilingwanan a tinaynan miy amin a bengatla tan tinmombuk kamid sika. Antoy nitumang ed sikami?

Marcos 14:31

Lalon makmakpel ya inmebat si Pedro, Ag kon balut ibagan ag ta ka kabat, anggan kaiba ta kan pateyen da! Onya met so imbaga na amin da ray arum a disipulo.

Mateo 14:27

Balet tampol ya inkuantod sikara, Pakpel yoy loob yo, ta siak ya. Ag kayo natatakot!

Mateo 14:29

Gala dia, ebat nen Jesus. Kanyan linmeksab si Pedro ed danum, tan ginapoan toy manakar a mamaarap ed kinen Jesus.

Santiago 1:6

Balet no onkerew kayo, nepeg a manisia kayo tan ag kayo manduaruwa, ta siopaman a manduaruwa et singa daluyon ya ipaligpalig na dagem.