Mateo 13:15 - Maung a Balita Biblia

¹⁵ ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.

Maung A Balita Biblia

¹⁵ ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Mateo 13:15 Referans Kwoze

Isaias 6:10

Insan inkuantod siak, Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.

Marcos 4:12

Kanyan, Nengneng la ra man a nengneng, ag da met lamlamang nanengneng; dengel la ra man a dengel, ag da met lamlamang natalusan; ta ompan lagi ompawil irad Dios, et pirdonaen to ra.

Zacarias 7:11

Balet anawet so olo da ray totook; ag ira dinmengel. Kinaputan day isip da.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Jeremias 17:14

Katawan, tambal mo ak pa, et sigput ak ya onabig; iyagel mo ak, et sigput ak a nilaban. Sika so idadayew ko!

Saray Hebreo 5:11

Dakerakel so nayarian min ibaga nipaakar ed saya, balet mairap ya ipaliwawad sikayo, ta nagmaliw kayon mairap a makatalus.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Saray Gawgawa 7:57

Pinepepetan da ray layag da tan naniingal ira, insan ira nambabansag a dinmogpa ed sikato.

Saray Salmo 119:70

Ag makatalus ira yan totoo, balet panliliketan koy ganggan mo.

Puyan 22:2

tan onaagos ed pegley na dalan na siudad. Diad balang gilig na ilog, wala ray kiew na bilay. Mambubunga ran binulan, tan saray bolung da et tambal na sakit da ray bansa.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Oseas 14:4

Say Katawan kuanto, Papawilen kod siak iray totook. Aroen ko ra ed intiron pusok; nakal lay pasnuk kod sikara.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Isaias 57:18

Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, On, onsisingger kamid Katawan, ta sikatoy Katawan a Dios mi.

Jeremias 17:9

Siopay makatalus ed puso na too? Anggapoy ontalona ed panamalikdo to; ag onabig so sakit to.

Lucas 19:42

tan inkuanto, No natalusan mo labat ed sayan agew no antoy makapangiter ed sikay kareenan! Balet natan niamut ed saray matam!

Saray Gawgawa 28:27

Ta inmawet iray olo da ra yan totoo, saray layag da nakar dan pinepetan, tan inkopit da ray mata ra. Lapud ag da labay a makanengneng, o makadngel o makatalus ira. Ta ompan lagi ompawil irad siak a mabolbolus, et paabigen ko rakuay Dios.

Probirbio 16:30

Manalwar kad saray totoon mankindat tan manimimis ed sika; walay nunot dan maoges a gawaen.