Mateo 13:13 - Maung a Balita Biblia

¹³ Say makasengeg no akin et ipaparalan kod alimbaway ibabagak ed sikara et saya: onnenengneng ira, balet ag ira makanengneng; onderengel ira, balet ag ira makadngel odino makatalus.

Maung A Balita Biblia

¹³ Say makasengeg no akin et ipaparalan kod alimbaway ibabagak ed sikara et saya: onnenengneng ira, balet ag ira makanengneng; onderengel ira, balet ag ira makadngel odino makatalus.

Mateo 13:13 Referans Kwoze

Ezekiel 12:2

Inkuanto, Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Mateo 13:16

Balet maliket kayo, ta makakanengneng iray mata yo tan makakadngel iray layag yo.

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Ezekiel 20:49

Balet inkuanko, Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.

Saray Taga Roma 11:8

Onung na ibabagay Masanton Sulat, Initday Dios ira yan totoo na anawet a puso tan olo; saray mata ya ag makanengneng tan saray layag ya ag makadngel, anggad sayan panaon.