Mateo 12:2 - Maung a Balita Biblia

² Nen anengneng na saray Pariseo a gagawaen da ya, inkuandad kinen Jesus, Nengneng moy gagawaen da ra tay disipulom. Sebel itan no Agew na Panagpainawa!

Maung A Balita Biblia

² Nen anengneng na saray Pariseo a gagawaen da ya, inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Mateo 12:2 Referans Kwoze

Mateo 12:10

Walad may lakin aparalisis so sakey a lima to. Wala ra met dimay pigaran totoo a labay dan idalem si Jesus kanyan tinepet da, Sumpa kasid Ganggan so panambal no Agew na Panagpainawa?

Lucas 14:3

Tinepet nen Jesus ed saray Pariseo tan saray makabat ed Ganggan, Sebel kasi so panambal no Agew na Panagpainawa o andi?

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Isaias 58:13

Say Katawan kuanto, No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Exodo 35:2

Anem agew a makapankimey kayo, balet masanto so kumapiton agew, sakey a masanton agew na panagpainawa a nisaklang ed siak a Katawan. Siopamay mankimey ed satan ya agew nepeg a pateyen.

Exodo 23:12

Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Mateo 12:3

Inmebat si Jesus, Ag yo ta nin balut abasa so ginawa nen David nen sikato tan saray kakaiba to et narasan ira?

Marcos 2:24

Kanyan saray Pariseo inkuandad kinen Jesus, Nengneng moy gagawaen da ra tay disipulom. Sebel itan no Agew na Panagpainawa!

Lucas 6:2

Tinepet na pigaran Pariseo, Akin et gagawaen yoy sebel no Agew na Panagpainawa?