Mateo 1:11 - Maung a Balita Biblia

¹¹ Si Josias so ama nen Jeconias tan saray agagi to. Dia ed sayan panaon nibantak ed Babilonia iray Israelita.

Maung A Balita Biblia

¹¹ Si Josias so ama nen Jeconias tan saray agagi to. Dia ed sayan panaon nibantak ed Babilonia iray Israelita.

Mateo 1:11 Referans Kwoze

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Jeremias 39:9

Diad kaonuran, si Nebuzaradan a pangulo na saray sondalo inyakar ton priso ed Babilonia iray nakdaan a totoo ed siudad tan saray akigampid sikato.

2 Saray Awaran 36:20

Siopaman ya apaliisan toy patey et inawit ira nen Nabucodonosor ed Babilonia, tan diman to ra inaripen, pati saray kabyangay boleg da, ya anggad inkiletneg na Impirio na Persia.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

2 Saray Arari 25:11

Insan inawit nen Nebuzaradan ed Babilonia iray totoon atilak ed siudad, saray atilak a marunong a kumikimey, tan saray akigampid saray taga Babilonia.

2 Saray Arari 23:31

Duamplo tan taloy taon nen Joacaz nen nagmaliw ya ari na Juda, tan nanoley ed Jerusalem na taloy bulan. Say ina to si Hamutal ya anak nen Jeremias a taga siudad na Libna.

2 Saray Arari 24:14

Inawit ton priso iray totoo ed Jerusalem, amin da ray opisyal na ari, tan amin a manonan totoo; samplon libo ran amin. Intaruk to met ya amin iray maung a kumikimey, pati saray pumapanday; intilak to labat ed Juda iray totoon sankamairapan ed bilay.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Mateo 1:12

Nen asumpal so inkibantak dad Babilonia, nianak si Salatiel tan si Jeconias so ama to. Si Salatiel so ama nen Zorobabel;

Mateo 1:17

No ontan sirin, labinapat so kailalakan manlapud Abraham ya anggad David; labinapat met so kailalakan manlapud David ya anggad inkibantak ed Babilonia na saray Israelita; ontan met a labinapat so kailalakan manlapud saman ya inkibantak da ya anggad inkianak na Misias.