Marcos 8:15 - Maung a Balita Biblia

¹⁵ Binilin nen Jesus iray disipulo to, Manasikaso kayo! Alwaran yoy libadura na saray Pariseo tan say libadura nen Herodes.

Maung A Balita Biblia

¹⁵ Binilin nen Jesus iray disipulo to, “Manasikaso kayo! Alwaran yoy libadura na saray Pariseo tan say libadura nen Herodes.”

Marcos 8:15 Referans Kwoze

Mateo 16:6

Inkuanen Jesus ed sikara, Manalwar kayod libadura na saray Pariseo tan saray Saduseo.

Marcos 12:13

Wala ray pigaran Pariseo tan pigaran totoo nen Herodes ya imbaki da ran mangerel ed kinen Jesus diad panamegley na pantepet da.

Levitico 2:11

Amin a bagat a trigo ya iyapay yod Katawan et ag nepeg a laukan na libadura; ag kayon balut mangikakana na libadura odino dilo ed kakanen ya ibagat ed Katawan.

Probirbio 19:27

Anak ko, no tondaan moy manaral, nalingwanan mo la ray inaral mo.

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

Mateo 14:1

Diad saman met a panaon so impakadngel nen Herodes a manooley ed Galilea na balitan nipaakar ed kinen Jesus.

2 Timoteo 2:14

Ipanunot mo ra yad saray totoom tan bilin mo ran maung diad arap na Dios, ya ag ira mankokolkol lapud saray salita. Ta anggapoy iter to yan maabig, no ag ta deralen to labat iray totoon ondengel.

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

Lucas 12:15

Insan inkuantod sikaran amin, Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.

1 Saray Awaran 28:20

Inkuanen Ari David ed anak ton Solomon, Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Mateo 14:3

Ta impaerel nen Herodes si Juan, impabalur to, insan to impaipriso. Ginawa to ya, lapud kinen Herodias ya asawa nen Felipe. Si Felipe agi nen Herodes.

Mateo 14:6

Nen agew na inkianak nen Herodes, sinmayaw so marikit ya anak nen Herodias ed arap da ray sangkaili. Aliketan a maung si Herodes.

Marcos 8:14

Alingwanan na saray disipulo so nambalon na tinapay. Saksakey so tinapay a walad baloto.

Marcos 8:16

Nantotongtongan ya na saray disipulo. Inkuanda, Imbaga to ya, ta ag itayo nambalon na tinapay.