Marcos 13:19 - Maung a Balita Biblia

¹⁹ Ta say baleg a kairapan ed saratan ya agew et ag balut mipara ed anggan anton kairapan, manlapud impamalsay Dios ed mundo ya anggad natan, tan ag met la naolit ya anggan kapigan.

Maung A Balita Biblia

¹⁹ Ta say baleg a kairapan ed saratan ya agew et ag balut mipara ed anggan anton kairapan, manlapud impamalsay Dios ed mundo ya anggad natan, tan ag met la naolit ya anggan kapigan.

Marcos 13:19 Referans Kwoze

Daniel 12:1

Samay anghil a linen so kawes to inkuanto, Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Mateo 24:21

Ta say baleg a kairapan ed satan a panaon et ag ni asalsali na totoo nanlapud impamalsay mundo ya anggad natan, tan ag met la naolit ya anggad kapigan.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Marcos 10:6

Balet nanlapud impamalsay Dios ed mundo nibaga, Pinalsay Dios so laki tan bii.

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?

Deuteronomio 28:59

ipadalan tod sikayo tan saray kabyangay boleg yo so ag onabig a sakit tan makapataktakot a salot ya ag manonda.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala ka kasi so akadngel na singa onyan agawa?

Saray Tagleey 4:6

Ambelat niy impakadusa na saray totook nen say impakadusa na saray totoo Sodoma, a biglay inkaplag da ed limay Dios.

Saray Tagleey 1:12

Nengneng yo ak, eyag na siudad ed balang ondadalan. Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Marcos 13:18

Mikasi kayod Dios ya ag nagawa ya komun ed panaoy ambetel!

Marcos 13:20

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Puyan 7:14

Ag ko amta, ebat ko. Sikayoy makaamta. Inkuantod siak, Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.