Marcos 12:6 - Maung a Balita Biblia

⁶ Wala niy sakey labat ya akeraan a nayarin ibaki to, salanti say inararo ton anak. Diad kaonuran sirin imbaki toy anak to tan inkuanto, Andi-saew a galangen day anak ko.

Maung A Balita Biblia

⁶ Wala niy sakey labat ya akeraan a nayarin ibaki to, salanti say inararo ton anak. Diad kaonuran sirin imbaki toy anak to tan inkuanto, ‘Andi-saew a galangen day anak ko.’

Marcos 12:6 Referans Kwoze

Juan 1:34

Anengneng ko ya tan papaneknekan kod sikayo a sikatoy Anak na Dios.

Mateo 3:17

Insan walay bosis a nanlapud tawen a nankuan, Sikato yay inararok ya Anak; sikatoy pakaliliketan ko.

1 Juan 4:9

Onyay impangipanengneng na Dios na aro tod sikatayo: imbaki tod mundo so bogbogtung ya Anak to, pian nawalaan itayoy bilay ed panamegley to.

Saray Hebreo 1:6

Nen say Dios et ngalngali to lan ibakid sankamundoan so bogbogtung ya Anak to, inkuanto, Sikatoy nepeg ya igalang na amin da ray anghil na Dios.

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 3:35

Inararoy Ama so Anak tan impalima tod sikatoy amin a bengatla.

Juan 1:49

Inkuanen Nataniel ed kinen Jesus, Maistro, sikay Anak na Dios! Sikay Ari na Israel!

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Lucas 9:35

Insan walay bosis a nanlapud samay lorem ya inkuanto, Sikato yay Anak ko a pinilik. Dengel kayod sikato!

Lucas 3:22

tan dinmapod sikatoy Ispiritu Santo ed nengneng na laman a singa malapati. Insan walay bosis a nanlapud tawen a nankuan, Sika so dilin Anak ko ya inararok; pakaliliketan ta ka.

Marcos 9:7

Walay lorem a linmesa tan tinarungan to ra. Insan walay bosis a nanlapud lorem a kuanto, Sikato yay inararok ya Anakdengel kayod sikato!

Marcos 1:11

Insan walay bosis a nanlapud tawen ya inkuanto, Sika so dilin Anak ko ya inararok; pakaliliketan ta ka.

Mateo 26:63

Balet ag inmesel si Jesus. Inkuanto lamet imay Pangulon Pari, Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, Sikato yay inararok ya Anak a pakaliliketan kodengel kayod sikato!

Mateo 11:27

Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 1:23

Manlokun so sakey a birhin, tan mananak na laki a tawagen day Emmanuel (a say labay ton ibaga: Say Dios walad sikatayo).

Isaias 42:1

Say Katawan kuanto, Saya so aripen ko a pinabiskeg ko sikatoy pinilik tan pakaliliketan ko. Pinanok na ispirtuk, tan sikatoy mangyakar ed balang bansa na inkatonung.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Genesis 37:3

Inararo nen Jacob si Jose nen saray arum ya anak to, ta nianak nen masiken lay Jacob. Inggawaan toy Jose na kawes ya andokey so taklay to.

Genesis 22:12

Ag mo didiwiten itay ogaw o panggawaan na antokman, inkuanto. Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.

Genesis 22:2

Alam so anak mo, inkuan na Dios, say bogbogtung ya anak mon si Isaac ya inararom a tuloy, tan lakad dalin na Moria. Diman mo ibagat ed siak si Isaac diad tagey na palandey ya itorok ed sika.

Saray Salmo 2:7

Ibawag koy imbagay Katawan, kuay ari. Inkuay Katawan ed siak: Sikay anak ko; natad sayan agew nagmaliw ak ya amam.

Genesis 44:20

Inyebat min walay ama min masiken la tan sakey ya agi min sankayogtanan a nianak nen matakken lay ama mi. Inatey lay agi to yan ogaw tan sikato labat so mabilay ya anak nen ina to, kanyan ontan lay panangarod sikato nen ama mi.

Marcos 12:5

Angibaki ni lamet imay akanubas na sananey ya aripen to, tan natan pinatey la ya na saray kasamak to. Onya met so ginagawa na sarayan kasamak ed saray arum nin imbaki to. Pinepekpek da ray pigara tan pinapatey da ray arum.

Marcos 12:7

Balet saramay kasamak nantotongtong ira tan kuanda, Nitan lay mananawir na kaubasan. Pateyen tayo, pian kayaryan ti lay kaubasan!

3 Juan 1:1

Sayan sulat nanlapud Masiken. Diad sika, pinablin Gayo a petepeteg kon inararo.