Marcos 10:22 - Maung a Balita Biblia

²² Nen nadngel na samay laki yan balikas nen Jesus, abaliw so lupa to tan tinmaynan a maermen lapud agaylay inkayaman to.

Maung A Balita Biblia

²² Nen nadngel na samay laki yan balikas nen Jesus, abaliw so lupa to tan tinmaynan a maermen lapud agaylay inkayaman to.

Marcos 10:22 Referans Kwoze

Lucas 12:15

Insan inkuantod sikaran amin, Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.

Lucas 18:23

Kadngel tod saya, naermenan a maung lapud agaylay inkayaman to.

Mateo 19:22

Kadngel tod saya, maermen ya inmalis lapud agaylay inkayaman to.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Marcos 6:26

Naermenan a maung so ari, balet ag to nayarian a pabaingan imay marikit lapud walay samban ag to nabenegan ed arap na saray sangkaili to.

Mateo 27:3

Nen anengneng nen Judas, samay traidor, a sinintinsiaan dan pateyen si Jesus, nagbabawi. Impawil to may talomplon kuartan pilak ed saramay manonan papari tan saramay mamatakken na baley.

Marcos 6:20

Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.

Marcos 10:21

Maararon ninengneng nen Jesus, tan kuantod sikato, Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.

Marcos 10:23

Ninengneng nen Jesus iray walad kaliber-liber to tan kuantod saray disipulo to, Mairap a tuloy ya onloob ed Panariay Dios iray mamayaman!