Lucas 8:34 - Maung a Balita Biblia

³⁴ Nen anengneng na saray mankokomponi na saray baboy so agawa, binmatik ira tan imbabalita rad baley tan diad saray bario.

Maung A Balita Biblia

³⁴ Nen anengneng na saray mankokomponi na saray baboy so agawa, binmabatik ira tan imbabalita rad baley tan diad saray bario.

Lucas 8:34 Referans Kwoze

Marcos 5:14

Binmabatik ira may mankokomponi na saray baboy tan imbabalita rad baley tan diad saray bario so agawa. Kanyan dinmadago ray totoo, ta nengnengen da no antoy agawa.

Mateo 28:11

Kasiput da ra may bibii, pigarad saramay sondalon nambantay na lobuk so pinmawil ed siudad, tan imbaga rad saray manonan papari iray amin ya agawa.

Mateo 8:33

Binmabatik ira may mankokomponi na saray baboy, tan kasabi rad baley, imbabalita ra so amin ya agawa. Imbabalita ra met no antoy nagmaliwan da ra may duaran inaponay dimonyo.

Lucas 8:33

Kanyan pinmaway ira may dimonyo ed samay laki tan linmoob irad saramay baboy. Insan binmatik ed pandel ira may baboy, naplag irad dayat tan nalner ira.

Lucas 8:35

Kanyan dinmadago ray totoo a nengnengen da no antoy agawa. Kaasingger dad kinen Jesus, anengneng da may lakin angekalan to na saray dimonyo. Manyodyorung ed saliyan nen Jesus, akakawes la, tan duga lay kalakal to. Diad satan, ataktakot ira.