Lucas 7:44 - Maung a Balita Biblia

⁴⁴ Insan to nilingaw imay bii tan inkuantod kinen Simon, Nanenengneng mo yan bii, anto? Linmoob ak ed abung mo, et ag mo ak labat initdan na danum a panoras ko ray salik. Balet sayan bii inorasan to ray salik na lua to, tan pinonasan to ra na buek to.

Maung A Balita Biblia

⁴⁴ Insan to nilingaw imay bii tan inkuantod kinen Simon, “Nanenengneng mo yan bii, anto? Linmoob ak ed abung mo, et ag mo ak labat initdan na danum a panoras ko ray salik. Balet sayan bii inorasan to ray salik na lua to, tan pinonasan to ra na buek to.

Lucas 7:44 Referans Kwoze

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

Saray Huis 19:21

Kanyan intagar to rad abung to tan pinakan to ra may asno ra. Inorasan na saramay sangkaili so kasaliyan da, insan ira nandem.

Genesis 43:24

Samay aripen inyakar tod abung ira may sanaagi. Initdan to ray danum a panoras day sali ra, tan pinakan to ray asno ra.

Genesis 19:2

tan inkuanto, Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput. Balet inmebat ira, Andi, dia lad plasay ogipan mi.

Genesis 18:4

Abuloyan yo ak a mangalay danum a panoras yoy sali yo; nayarian yoy mampainawad silong to yan kiew.

1 Samuel 25:41

Dinmakmomoy Abigail ya anggad dalin tan kuanto, Siak so aripen ton sipaparaan a mangoras ed saray sali na saray aripen to.

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?

2 Samuel 11:8

Insan to inkuan ed kinen Urias, Sempet ka, ta mampainawa kan magano. Tinmaynan si Urias, tan walay rigalon impaiyakar nen David ed abung to.

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Lucas 7:43

Samay lalon dakel so utang ton apirdona, ebat nen Simon. Dugay ebat mo, kuanen Jesus.

Juan 13:5

Angibales na danum ed palanggana, ginapoan ton orasan iray sali da ray disipulo, insan to ra pinonasan na tualyan akabariber ed awak to.