Lucas 7:34 - Maung a Balita Biblia

³⁴ Sinmabiy Anak a Too, mangakan tan oniinom, balet kuanyo, Nengneng yo yan too. Masiba tan mainom na alak, tan kakaaro to ray sumisingil na buwis tan saray makasalanan!

Maung A Balita Biblia

³⁴ Sinmabiy Anak na Too, mangakan tan oniinom, balet kuanyo, ‘Nengneng yo yan too. Masiba tan mainom na alak, tan kakaaro to ray sumisingil na buis tan saray makasalanan!’

Lucas 7:34 Referans Kwoze

Lucas 15:2

Balet ngoro-ngoro ray Pariseo tan saray iskriba tan inkuanda, Sayan too aawaten to ray makasalanan tan mimikan nid sikara!

Juan 12:2

Imparaanan dad may pandeman to. Si Marta so nansirbi, tan si Lazaro so sakey ed saray akirongod kinen Jesus.

Lucas 19:7

Amin ya akaimatun ed saya ngoro-ngoro ra tan inkuanda, Pasasangkaili ed sakey a toon makasalanan!

Lucas 14:1

Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Lucas 7:36

Inimbitaan na sakey a Pariseo si Jesus a mangan ed abung to. Linma sirin si Jesus ed abung to may Pariseo tan dinmongo a mangan.

Lucas 5:29

Diad abung nen Levi, intaryaan toy Jesus na baleg a ponsia. Karongod man nen Jesus iray amayamay a sumisingil na buis tan arum ni ran totoo.

Mateo 9:11

Anengneng ya na pigaran Pariseo, kanyan tinepet dad saray disipulo nen Jesus, Akin et mirorongoy maistro yo ed saray sumisingil na buis tan saray makasalanan?

Juan 2:2

Akibansal si Jesus tan saray disipulo to, ta naimbitaan met ira.

Lucas 11:37

Kasumpal nen Jesus a nansalita, inimbitaan na sakey a Pariseo ed abung to. Linma sirin, tan inmirung a mangan.

Mateo 5:46

No saray mangarod sikayo labat so aroen yo, anto ni tumang ya alagaren yo? Gagawaen ya met na anggan saray sumisingil na buis.

Mateo 11:19

Sinmabiy Anak na Too, mangakan tan oniinom, balet kuanda, Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan! Anggaman ontan, diad saray gawgawa so pakapatnagan a tua so kakabatay Dios.

Lucas 7:33

Sinmabiy Juan a Managbinyag, manaayuno tan ag oniinom na alak, balet kuanyo, Walay dimonyo ed sikato!

Lucas 7:35

Anggaman ontan, diad saray gawgawa so pakapatnagan a tua so kakabatay Dios.