Lucas 7:33 - Maung a Balita Biblia

³³ Sinmabiy Juan a Managbinyag, manaayuno tan ag oniinom na alak, balet kuanyo, Walay dimonyo ed sikato!

Maung A Balita Biblia

³³ Sinmabiy Juan a Managbinyag, manaayuno tan ag oniinom na alak, balet kuanyo, ‘Walay dimonyo ed sikato!’

Lucas 7:33 Referans Kwoze

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

Marcos 1:6

Bagoy kamilyo so kawes nen Juan, tan katat so balkes to. Dorun tan dilo so impambibilay to.

Saray Gawgawa 2:13

Balet wala ray totoon nanludlurey ed saray mananisia tan inkuanda, Abuek ira tan!

Juan 10:20

Dakel ed sikaray angibaga, Inaponay dimonyo! Ambagel! Akit dedengelen yo?

Juan 8:52

Inkuan da ray Judio ed sikato, Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, Say mangonur na salitak ag balut ompatey.

Juan 8:48

Inmebat iray Judio ed kinen Jesus, Ag kasi tuay ibabaga min Samaritano ka, tan inaponan kay dimonyo?

Mateo 3:4

Bagoy kamilyo so kawes nen Juan, tan katat so balkes to. Dorun tan dilo so impambilay to.

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!

Mateo 3:1

Diad saraman ya agew sinmabiy Juan a Managbinyag ed kalawakay Judea tan nampupulong diman.

Lucas 7:32

Singa ra ogogaw a manyodyorung ed tindaan ya eeyagan da ray kagalaw da, Tinogtogan mi kayoy sasayawan, ag ki met sinmayaw; angansion kamiy makapaermen, ag ki met inmakis!

Lucas 7:34

Sinmabiy Anak a Too, mangakan tan oniinom, balet kuanyo, Nengneng yo yan too. Masiba tan mainom na alak, tan kakaaro to ray sumisingil na buwis tan saray makasalanan!