Lucas 7:30 - Maung a Balita Biblia

³⁰ Balet ag sinumpal na saray Pariseo tan saray iskriba so linaway Dios para sikara, ta ag ira nampabinyag ed kinen Juan.

Maung A Balita Biblia

³⁰ Balet ag sinumpal na saray Pariseo tan saray iskriba so linaway Dios para sikara, ta ag ira nampabinyag ed kinen Juan.

Lucas 7:30 Referans Kwoze

Lucas 13:34

Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Jeremias 8:8

Panoy pangibaga yo, Makabat kami; walad sikamiy ganggan na Katawan? Nengneng yo, inoman na saray matilan iskriba iray ganggan.

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

Saray Taga Roma 10:21

Balet nipaakar ed Israel, inkuanto, Sanagew ya inyonat ko ray limak diad pantawag kod saray totoon ag mangoonur tan onsusumlang ed siak.

Saray Gawgawa 20:27

Ta imbagak ed sikayoy amin a linaway Dios.

Mateo 22:35

Walay sakey ed sikaran makabat ed Ganggan a sinali ton ereley Jesus diad panamegley na sakey a tepet.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

TAGA GALACIA 2:21

Ag ko ipapasen ya andi-kakanaan so baleg a panangaroy Dios. No napaandiay kasalanan so too diad panamegley na Ganggan, magmaliw ya andi-kakanaan so impatey nen Cristo.

Probirbio 1:25

Ag yo dinengel iray amin a simbawak tan ag yo labay so papetek ed siak.

Lucas 7:31

Intuloy nen Jesus, Antoy pangiparaan kod saray totood sayan panaon? Antoy kaparpara ra?

Lucas 20:6

Balet no ibaga tayon nanlapud too, saray amin a totoo tupaken da tayoy bato, ta manisia ran propita si Juan.