Lucas 5:30 - Maung a Balita Biblia

³⁰ Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, Akin et mangakan tan oniinom kayo a kaiba yo ray sumisingil na buis tan saray makasalanan?

Maung A Balita Biblia

³⁰ Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, “Akin et mangakan tan oniinom kayo a kaiba yo ray sumisingil na buis tan saray makasalanan?”

Lucas 5:30 Referans Kwoze

Saray Gawgawa 23:9

Kinmasil so ingalan da. Inmalagey iray pigaran iskriba a kakaiba ray Pariseo tan inkuandan sinmumlang, Anggapoy naalmo min kasalanan to yan too! Ompan walan tuay sakey ya ispiritu o anghil ya akitongtong ed sikato!

Lucas 19:7

Amin ya akaimatun ed saya ngoro-ngoro ra tan inkuanda, Pasasangkaili ed sakey a toon makasalanan!

Lucas 5:21

Saramay Pariseo tan saramay iskriba inkuandad kanunotan da, Siopa yan too et sumpad Dios so sasalitaen to? Siopay makapirdona na kasalanan no ag say Dios labat?

Lucas 5:17

Aminsan ya agew nen mambabangat si Jesus, wadman met iray Pariseo tan saray bumabangat na Ganggan a nanlapud Jerusalem tan amin a baley diad Galilea na Judea. Walad si Jesus so pakayariy Katawan, kanyan nayarian toy mamaabig ed saray mansasakit.

Marcos 7:3

Ta amin da ray Judio, lautlad saray Pariseo, et ag ira mangan no ag ni ra nanoras na lima, ra onung ed kaogaliyan ya impabangon na saray lalaki ra.

Isaias 65:5

Insan da kukuan ed saray arum a totoo, Arawi kayod sikami, ag yo kami nayarin diwiten lapud masansanto kami! Ag ko naanosan ira yan totoosinga apoy ya ag naerep so pasnuk kod sikara.

Lucas 18:11

Samay Pariseo binmiig tan nanalagey a mampikasi, Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Lucas 7:39

Nen anengneng ya na samay Pariseon angimbita, inkuantod sikaton dili, No tuan propita yan too, kabat to komun no siopa yan bii so mandiriwit ed sikatosakey a makasalanan!

Lucas 7:34

Sinmabiy Anak a Too, mangakan tan oniinom, balet kuanyo, Nengneng yo yan too. Masiba tan mainom na alak, tan kakaaro to ray sumisingil na buwis tan saray makasalanan!

Mateo 5:46

No saray mangarod sikayo labat so aroen yo, anto ni tumang ya alagaren yo? Gagawaen ya met na anggan saray sumisingil na buis.

Mateo 9:11

Anengneng ya na pigaran Pariseo, kanyan tinepet dad saray disipulo nen Jesus, Akin et mirorongoy maistro yo ed saray sumisingil na buis tan saray makasalanan?

Marcos 2:16

Anengneng ya na pigaran iskriba a kabyangan na saray Pariseo, kanyan tinepet dad saray disipulo nen Jesus, Akin et mirorongod saray sumisingil na buis tan saray makasalanan?

Marcos 9:16

Tinepet nen Jesus ed sikara, Antoy pisasangsangan yod sikara?