Lucas 5:12 - Maung a Balita Biblia

¹² Aminsan, nen si Jesus et walad sakey a baley, dinmagod sikatoy sakey a laki ya akating so intiron laman to. Kanengneng tod kinen Jesus, dinmakmomo tan akikasi. Inkuanto, Katawan, no labay mo, napagmaliw mo ak a paabigen!

Maung A Balita Biblia

¹² Aminsan, nen si Jesus et walad sakey a baley, dinmagod sikatoy sakey a laki ya akating so intiron laman to. Kanengneng tod kinen Jesus, dinmakmomo tan akikasi. Inkuanto, “Katawan, no labay mo, napagmaliw mo ak a paabigen!”

Lucas 5:12 Referans Kwoze

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.

Lucas 17:16

Dinmakmomo ya anggad dalin, diad saliyan nen Jesus, tan akisalamat ed sikato. Samaritano yan too.

Mateo 9:28

Kaloob nen Jesus ed abung, inasinggeran na saramay bulag. Tinepet tod sikara, Manisia kayon nagawaan ko ya? On, Katawan, ebat da.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Mateo 26:6

Nen si Jesus et walad abung nen Simon ya akating, diad Betania,

Exodo 4:6

Say Katawan kuanto lamet ed kinen Moises, Isoksok moy limam ed dalem na kawes mo. Insoksok nen Moises sirin so lima to, et nen inoyus to akating so lima to tan pinmoti a singa kinapoti na kapes.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totooakakawes iran amin na sakodinmakmomo ra ya anggad dalin.

2 Saray Arari 5:1

Say ari na Siria bibirbiren ton matalonggaring si Naaman a pangulo na saray sondalon Siriano, ta diad panamegley to impanalo na Katawan iray sondalo na Siria. Matalonggaring ya opisyal si Naaman, balet akating.

1 Saray Arari 18:39

Nen anengneng ya na saray totoo tinmiblak irad dalin, tan kuanda, Say Katawan et Dios; say Katawan labat so Dios!

Josue 5:14

Andi, ebat na samay laki. Wadya ak a pangulo na saray sondalo na Katawan. Tinmiblak ed dalin si Josue diad impangigalang to tan kuanto, Siak so aripen mo. Antoy labay mon pagawad siak?

Deuteronomio 24:8

No akating kayo, apiapiger yon tombuken so ibagad sikayo na Levitan pari; sumpal yo ray bilin ya intilak kod sikara.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Marcos 5:23

tan akikasi, Ompapatey so anak kon manmarmarikit. Mila ka kari, ta itapew mo labat so limam ed sikato, et onabig tao mambilay!

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, Akin et manalagar tayo dia ya anggad ag tayo ipatey?

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo! Kataynan nen Giezi, nagmaliw lan akatingsinga kapotiy yilo so baog to.

Levitico 13:16

Balet no onabig so babag a tinmerak tan nagmaliw ya ampoti lamet, samay too onla ed pari

Lucas 5:13

Inyonat nen Jesus so lima to, diniwit to tan inmebat, Labay ko. Magmaliw ka lan malinis! Nakal a tampol so kating to may laki.