Lucas 4:2 - Maung a Balita Biblia

² Tinutuksod man na Diablo ed loob na apataploy agew. Ag angan a balut legan to yan panaon kanyan kasumpal to, narasan a maung.

Maung A Balita Biblia

² Tinutuksod man na Diablo ed loob na apataploy agew. Ag angan a balut legan to yan panaon kanyan kasumpal to, narasan a maung.

Lucas 4:2 Referans Kwoze

1 Saray Arari 19:8

Binmangon si Elias, angan tan inminom; angiter ed sikato na biskeg imay tagano diad impanakar to na apataplon agew tan apataplon labi ya anggad Sinai, say masanton palandey.

Exodo 34:28

Diad loob na apataploy agew tan labi si Moises kaiba tod tagey na palandey so Katawan; ag balut angan, ni inminom. Intatak tod saray tapyak a bato iray salita na sipanansaray Samploran Ganggan.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Saray Hebreo 2:18

Lapud nanirap tan atukso, natulongan to met natan iray natutukso.

Deuteronomio 9:9

Kinmalab ak ed tagey na palandey ta alaen ko ra may tapyak a baton akaitatakan na impisipanan ed sikayo na Katawan. Nanayam ak diman ya apataploy agew tan labi tan ag ak balut angan o inminom.

Juan 4:6

Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Deuteronomio 9:18

Insan apataploy agew tan labin tinmikleb ak lamet ed arap na Katawan tan ag ak balut angan o inminom. Ginawak iman lapud nankasalanan kayod Katawan tan impanpasnuk yo.

Mateo 21:18

Kaimbwasan, narasan si Jesus nen ompapawil ed siudad.

Mateo 4:2

Kasumpal nen Jesus a nanayunoy apataplon agew tan labi, narasan.

Jonas 3:7

Impaibawag tod saray totood Ninive: Sikato yay ganggan na ari tan saray opisyal to: Anggapoy siopaman a mangan; amin a totoo, amin a baka, tan amin a karniro et nisebel ed sikaran mangan odino oninom.

Ester 4:16

Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.

1 Samuel 17:16

Diad loob na apataplon agew, kabwasan tan labin sinasagyat nen Goliat a milaban iray Israelita.

Deuteronomio 9:25

Kanyan tinmikleb ak ed arap na Katawan ed saraman ya apataploy agew tan labi, lapud imbaga ton pateyen to kayo la.

Exodo 24:18

Si Moises intuloy toy kinmalab ed palandey ya akobutan na lorem. Nanayam diman ed loob na apataplon agew tan apataplon labi.

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.

Lucas 4:3

Inkuay Diablo ed sikato, No sikan talagay Anak na Dios, iganggan mod sayan bato a magmaliw a tinapay.