Lucas 3:36 - Maung a Balita Biblia

³⁶ Si Sela anak nen Cainan, ya anak nen Arfajad, ya anak nen Sem. Si Sem anak nen Noe, ya anak nen Lamec,

Maung A Balita Biblia

³⁶ Si Sela anak nen Cainan, ya anak nen Arfajad, ya anak nen Sem. Si Sem anak nen Noe, ya anak nen Lamec,

Lucas 3:36 Referans Kwoze

2 Pedro 2:5

Lapud kasalanay katoowan, dinelap na Dios so intiron mundo nen saman a panaon. Anggapoy nilaban, likud labat ed kinen Noe a nampulong na katonungan tan saray pitoran kakaiba to.

1 Pedro 3:20

Sikara ya may ispiritu ya ag tinmoluk nen say Dios et inanosan to ran inalagar ya ompawil ed sikato, diad saramay agew a gagawaen nen Noe so biong. Lapud tulong na saman a biong, walwaloran totoo so nilaban ed danum.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

Lucas 17:27

Nen saman, nanaakan tan naniinom so balang sakey ed sikara, angaasawa tan akiaasawa ra. Onyay ginagawa ra ya anggad inloob nen Noe ed biong. Insan sinmabiy delap tan inaatey iran amin.

Ezekiel 14:14

Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo. Say Katawan a Dios so nansalita.

1 Saray Awaran 1:17

Saray lalakin anak nen Sem sikara di Elam, Asur, Arfaksad, Lud, Aram, Uz, Hul, Geter, tan Mesek.

Genesis 9:18

Sikara yay anak nen Noe a pinmaway irad biong: Si Sem, si Ham ya ama nen Canaan tan si Jafet.

Genesis 9:1

Si Noe tan saray anak ton lalaki et binindisionan ira na Dios ya inkuanto, Mamparakel kayoy anak, pian nakayatan day intiron mundo.

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

Genesis 7:23

Dineral na Katawan ya amin iray mabilay ed tapew na dalinsaray totoo, saray ayayep, tan saray manok. Si Noe tan saray kaiba tod dalem na biong so mabilay labat.

Genesis 7:13

Diad saman ya agew, si Noe tan say asawa to et linmoob irad biong a kaiba da ray anak dan lalaki a di Sem, Ham, Jafet, tan saray kaasawaan da.

Genesis 6:22

Sinumpal nen Noe ya amin iray ingganggan na Dios.

Genesis 5:3

Nen sanlasus tan talomploy taon nen Adan, walay anak ton laki a kaolibay to, tan inngaran to na Set.

1 Saray Awaran 1:1

Si Adan so ama nen Set ya ama nen Enos, tan si Enos so ama nen Kenan.

Lucas 3:35

Si Nacor anak nen Serug, ya anak nen Reu, ya anak nen Peleg, ya anak nen Eber, ya anak nen Sela.

Lucas 3:37

ya anak nen Matusalem, ya anak nen Enoc. Si Enoc anak nen Jared, ya anak nen Mahalaleel, ya anak nen Cainan.