Lucas 24:41 - Maung a Balita Biblia

⁴¹ Nen ag ni ran siansia anisia lapud liket tan kelaw da, tinepet tod sikara, Wala diay nakan?

Maung A Balita Biblia

⁴¹ Nen ag ni ran siansia anisia lapud liket tan kelaw da, tinepet tod sikara, “Wala diay nakan?”

Lucas 24:41 Referans Kwoze

Juan 21:5

Insan kuantod sikara, Anak, walay nala yon sira? Inmebat ira, Anggapo.

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Say Libro nen Job 9:16

Anggaman ya abuloyan to ak a mansalita, ag ak manisia a dengelen to ak.

Marcos 16:11

Nen nadngel dan imbaga ton mabilay si Jesus tan anengneng to, ag da sinisia.

Marcos 16:13

Pinmawil ira tan imbaga rad arum a kakaiba ra, balet ag da ra sinisia.

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Lucas 24:11

Balet, abaloan na saray apostol a lurey so imbaga ra, tan ag da ra panisiaan.

Lucas 24:40

Kapangibaga to ya, impanengneng tod sikara iray lima tan sali to.

Lucas 24:42

Initdan day sakey a tegteg na siran inkalut.

Saray Gawgawa 12:14

Abirbir toy bosis nen Pedro tan, diad liket to, ag to la alokasay puirta, ta binmatik a pinmawil tan imbaga ton si Pedro so walad paway.

Marcos 8:7

Wala met so pigaran ankelag a sira ra. Akisalamat lamet ed Dios si Jesus, insan to met impaibunog ed saray totoo ira may sira.