Lucas 21:15 - Maung a Balita Biblia

¹⁵ ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Maung A Balita Biblia

¹⁵ ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Lucas 21:15 Referans Kwoze

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, Nia, iter kod sika ray nepeg mon salitaen.

TAGA-EFESO 6:19

Ipikasi yo met ya iter na Dios ed siak so dugan pananalita, ed diad ontan, matalek ak a mangipaliwaway niamut a katwaan a Maung a Balita.

Lucas 12:12

Ta diad satan a bekta, ibangat kayoy Ispirutu Santo no antoy ibaga yo.

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

Lucas 24:45

Insan nilokasan toy muling da, pian natalusan day Masanton Sulat.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Saray Gawgawa 26:28

Inkuanen Agripa ed kinen Pablo, Diad sayan tikey na panaon, inisip mo amon napagmaliw mo ak a Cristiano!

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, Alis ka ni, ta patawag ta ka no walay panaon ko.

Saray Gawgawa 2:4

Apano ra na Ispiritu Santo tan nansasalita ray nandoroman salita, onung ed inter ed sikara na Ispiritu.

Ezekiel 29:21

No nagawa la ya, pagmaliwen kon mabiskeg iray totood Israel tan sika, Ezekiel, pansalitaen ta ka a narengel na balang sakey ed sikara, pian naamtaan da a siak so Katawan.

Lucas 21:16

Mantraidor ed sikayoy anggan saray dilin atateng, agagi, kakanayon, tan kakaaro yo. Papatey da ni ray arum ed sikayo.